التحقيقات تكشف تفاصيل مقتل سيدة بكرداسة: خلافات زوجية وصورة أثارت الشكوك|خاص
كشفت التحقيقات في واقعة مقتل سيدة على يد زوجها إثر تعرضها للضرب والاعتداء على خلفية رفض الأولى ممارسة العلاقة الحميمية معه كونه متعاطي للمخدرات، تفاصيل اعترافات المتهم.
مقتل سيدة على يد زوجها بكرداسة
وأوضح المتهم خلال اعترافات أمام جهات التحقيقات المختصة تفاصيل الليلة الأخيرة قبل ارتكابه الواقعة، وجاءت تفاصيل أقواله: آخر مرة اتخانقنا وضربتها وفضلت غضبانه عند أبوها كذا شهر وروحت صالحتها ورجعتها البيت، وبعد ما رجعتها البيت بيومين كنا بنتكلم وقولتلها خليكي صريحة معايا في كل حاجة ومتخبيش عليا أي حاجة تحصل واتفقنا ساعتها نبقى صريحين مع بعض.
وواصب: وفتحت معاها وقتها موضوع الصورة اللي جاتلي قبلها بكام شهر على الموبايل وقولتلها احكيلي وهكون سترك وغطاكي وهسامحك بس عرفيني الصورة ديه اتصورتيها مع مين وفين وهي ردت ساعتها وقالتلي معرفش حاجة عن الصورة ديه والبنت اللي في الصورة مش أنا، فأنا ساعتها اتعصبت عليها وشديت معاها في الكلام وقولتلها هتفضلي تكذبي وتخبي عليا لغاية امتى واتخانقنا وضربتها وهي اتعورت ساعتها وجسمها ورم وراسها اتفتحت ونزلت دم ووقعدنا كام يوم متكلمناش وكنت بنام لوحدي في أوضة الأطفال وبعدها أمها جاتلنا ولقتها كويسة ومفيش فيها حاجة.
وأردف: لقيتها بتقول لأمها إني مش بصرف عليها ولا يجيب أكل في البيت فقولت لأمها إن الأكل لسه خلصان واديت لأمها 100 جنيه تنزل تجيب أكل وتسيبه في البيت ووالدتها قضت معاها اليوم وروحت بالليل، وبعدها يوم الأربع الصبح صحينا بدري وفطرنا كلنا وبعد الفطار موضوع الصورة اللي جاتلي ده مش راضي يطلع من دماغي وعلى طول مخليني شاكك في تصرفاتها وسلوكها فروحت مدخل بناتي في أوضه الأطفال وقفلت عليهم ودخلت الأوضة الثانية أنا وهي واتكلمت معاها وقولتلها اللي بيحصل ده مش هينفع ولازم تحكيلي إيه اللي حصل معاكي عشان ابقى في ضهرك وسترك وغطاكي.
وواصل: وهي ساعتها قالتلي هحكيلك كل حاجة بس تبقى حنين معايا فأنا بيني وبين نفسي اتاكدت من اللي في دماغي إن هي اللي في الصورة وإنها كانت مع حد في بيته فقولتلها ماشي وقالتلي هحكيلك وبعدها لقيتها بتقولي مفيش حاجة حصلت وكدبت عليا تاني وأنا ساعتها محستش بنفسي غير وإنا عمال أضرب فيها بايديا وبسلك كهرباء مقطوع وهي عمالة تصوت وتقولي حرام عليك فبقولها يعني مش حرام إنك تخونيني مع حد تاني.
وأردف: شتمتني وغلطت في عرض أختي، فروحت ماسك خشبة كانت موجودة جنب السرير وكنت دايما بضربها بيها ورميت السلك من إيدي وضربتها بالخشبة في نص راسها راحت دماغها اتفتحت جامد ونزلت دم فسيبتها ساعتها وقفلت عليها أوضه النوم وخرجت طلعت بناتي من الأوضة الثانية وقولت لبنتي اعمليلي شاي وهما ساعتها قالولي هي فين ماما وكانت بتصوت ليه فقولتلها هي كانت تعبانة ونايمة دلوقتي شوية علشان محدش يدخل يشوفها وهي كده.
وأضاف: شربت الشاي بتاعي ودخلت بناتي في الأوضة ثاني وقفلت عليهم ودخلت ابص على مراتى لقيتها بتنزف دم من دماغها رحت لافف راسها ومسحت الدم اللي نزل في الأوضة منها وبقولها مبسوطة كده فمردتش عليا وخرجت ساعتها وسبتها وقفلت عليها الباب وفضلت قاعد برة لوحدى وبالليل صاحبي جالي وطلعت البنات من أوضة الأطفال ودخلت أنا وهو الأوضة وقفلت الباب وشربنا مع بعض سيجارة حشيش وبعدها روح وأنا خرجت من الأوضة لقيت البنات نايمين في الصالة برة فدخلت أشوف مراتي لقيتها قاطعة النفس ومش بتتكلم ولا بتتحرك وطالع منها ريحة وحشة.
واختتم: خوفت ساعتها وجبت معطر وفضلت أرش في الشقة علشان الريحة كانت قوية وخرجت وسبتها في الأوضة وقفلت عليها ونمت جنب البنات في الصالة وصحينا تاني يوم الصبح فطرت مع بناتي ولما سألوني عن أمهم قولتلهم إنها مريحة شوية في الأوضة عشان تعبانة ومش عايزة تشوف حد وأخدتهم ونزلت الدور الأرضي عند أمي يقعدوا معاها وسبتهم تحت وطلعت فوق شقتي دخلت على مراتي الأوضة ورشيت معطر كثير في البيت وأخدت طقمين لبس بتوعي وهربت من البيت روحت عند واحد صاحبي في فيصل قعدت عنده يومها وقولتله إن تقريبا مراتي ماتت مني وأنا بضربها واتخانقت معاه وبعدها الحكومة جاتلي وقبضوا عليا وجابوني النهاردة التحقيق وده كل اللي حصل.
