وكيل توروب لـ شوبير: الأهلي هو من اختار كامويش.. والمدرب يحتاج حماية من الهجوم الدائم
كشف فراس علي، وكيل أعمال المدرب الدنماركي ييس توروب، في تصريحات خاصة للإعلامي أحمد شوبير، عن كواليس التعاون مع النادي الأهلي في الفترة الأخيرة، موضحًا أن دوره يقتصر على الترشيح بينما القرار النهائي يعود للإدارة.
الأهلي هو من اختار كامويش
وقال فراس علي في تصريحات نقلها الإعلامي أحمد شوبير: "أنا معرفش كامويش لعيب جيد ولا لا، أنا تعاونت مع الأهلي في أكتر من صفقة ورشحت 3 مهاجمين، والاختيار في الآخر وقع من النادي على كامويش، وكان من ضمن المرشحين مهاجم جزائري، ولما انطلب مني تكليف عملته ورشحت توروب وغيره وده شغلي، والأهلي في النهاية بيشوف الأنسب ليه".
توروب يحتاج حماية من الهجوم الدائم
وعن حالة الهجوم التي يتعرض لها المدرب، أضاف الوكيل: "توروب شخصية محترمة جدًا كمدرب وكإنسان، وعشان ينجح لازم تتوفر الأدوات اللي في إيده عشان يشتغل بيها، وأنا بتكلم هنا عن الإطار العام.. مينفعش طول الوقت يكون في هجوم دائم عليه وهو مش من النوع اللي بيحب يرد، وتوروب مستني النادي هو اللي يدافع عنه".
