اعترافات المتهم بإنهاء حياة زوجته بكرداسة: شكيت في مراتي وضربتها وغضبت وراحت عند أبوها| خاص
كشفت التحقيقات في واقعة مقتل سيدة على يد زوجها إثر تعرضها للضرب والاعتداء على خلفية رفض الأولى ممارسة العلاقة الحميمية معه كونه متعاطي للمخدرات، تفاصيل اعترافات المتهم.
مقتل سيدة على يد زوجها بكرداسة
وأشارت التحقيقات أنه بمثول المتهم أمام جهات التحقيقات المختصة، وبسؤاله حول ما تفصيلات إقراره؟ أجاب: اللي حصل إني متجوز سميرة سعيد بقالي تقريبا 13 سنة وحياتنا كانت بسيطة وهادية مفيش فيها أي مشاكل ومن حوالي 6 شهور جاتلي صورة من رقم غريب علي الواتس لبنت بقميص نوم من ظهرها ووشها وملامحها مش باينة بس انا شكيت ساعتها انها مراتى والصورة ديه مش في بيتي وبصراحة شكيت في سلوك مراتي.
وأكمل: حاولت ساعتها اكلم الرقم اللي بعتلي الصورة ديه بس لقيته مقفول وواجهت مراتى ساعتها بالصورة وهي قالتلي أنا معرفش عنها حاجة وده أصلا مش انا واتخانقنا ساعتها جامد وضربتها وعورتها وهي غضبت وراحت قعدت عند ابوها فترة كبيرة، وعرفت ساعتها انها عملتلي محضر بسبب اني ضربتها وعورتها وعرفت انها عملتلي محضر تاني بسبب اني مسجلتش بنتي الصغيرة كيان في الأحوال المدنية.
وأردف: من حوالي شهر اخدت ابويا واخويا ورحت عند حمايا عشان أراضي مراتي وارجعها البيت هي وبناتي بسبب انها كانت غضبانة وقاعدة عند ابوها عند ابوها بقالها كذا شهر هي والبنات ولما رحنا عشان ارجعها البيت لقيتهم بيقولولي اني مش بصرف عليها هي وبناتي ومش بجبلهم فاكهة في البيت ولا أكل قولتلهم الكلام ده مش صح ورحت مطلع فلوس ليهم تقريبا 200 جنيه وقولتلهم هاتوا فاكهة واكل وحطوها في البيت براحتكم.
وأشار: وقالولي برضوا أنت مسجلتش كيان ليه لغاية دلوقتي من ساعة ما اتولدت فقولتلهم إني مسجلتهاش علشان مكنش معايا فلوس وهروح اسجلها وأمشي في إجراءاتها وفعلا رحت بعديها ومشيت في الإجراءات ولقيتهم بعديها بيقولولي ان مراتي قالتلهم اني عايز أعمل معاها علاقة جنسية من الخلف وهي رفضت فرديت عليهم وقولتلهم بنتكم كدابة وهي عندكم اهي خدوها اكشفوا عليها عند أي دكتور ولو لقيتوا فيها حاجة ابقوا اتكلموا وساعتها.
قالولى عايزينك تبطل شرب مخدرات وانا ساعتها اتفقت معاهم الى بحاول اقللها وهبطلها في اقرب فرصة وانا مش طالب من بنتكم أي حاجة غير انها تتقى ربنا فيا وتبقى صريحة معايا ومتخبيش عليا حاجة وفعلًا ساعتها اتراضينا وأخدت مراتي وبناتي ورجعت على بيتي وأنا كنت بنام في أوضة الأطفال وبسيبها تنام هي وبناتي في أوضة النوم بتاعتها.
