بسبب فعل غير لائق.. الأمن يفحص ادعاء سائق بتعدي راكب عليه بالضرب والتسبب في حادث بمحور 26 يوليو
تفحص الأجهزة الأمنية تداول منشور مدعوم بمقطع فيديو يتضمن ادعاء سائق بأحد شركات النقل الذكي بتضرره من تعدي راكب وسيدة عليه بسبب رفضه جلوسهما بالمقعد الخلفي بزعم ارتكابهما أفعالًا غير لائقة أعلى محور 26 يوليو.
الأمن يفحص ادعاء سائق بتعدي راكب عليه بالضرب والتسبب في حادث بمحور 26 يوليو
وتعود تفاصيل الواقعة حينما تداول مستخدمو مواقع التواصل الاجتماعي فيسبوك الواقعة، وكتب ناشر الواقعة: ده يا جماعة واحد مش محترم أنا شغال بعربيتي ركب معايا هو وواحدة من أكتوبر راحين نصر الدين الهرم وراجعين الحصري، وراكبين اللي اتنين من ورا ولع سجارة ولاقته بينام علي -كتفها- بقوله مش هينفع كدا يا أستاذ بيقولي انت مالك دي مراتي قولتله أيا كان مراتك أو غير حضرتك ممكن تتفضل جنبي بعد إذنك فضل يغلط فيا ويقولي عربيتي في الجراج مرسيدس وأنت زبالة ونزلنا.. الكلام ده الساعة واحده بالليل على محور 26 يوليو قولتله تمام بس تحسابني فغلطوا فيا، واعتدوا عليا وشد الطارة لحد ما عربية تيوتا خبطتني ولما صورته اعتدى عليا بردو وكان عايز ياخد التليفون وجري خاف من التصوير وسابها وأنا عايز حقي.
من جانبها تفحص الأجهزة الأمنية المنشور ومقطع الفيديو المتداول للوقوف على كل ملابساته، واتخاذ الإجراءات القانونية اللازمة حيال الواقعة.
