تأجيل محاكمة سارة خليفة و27 آخرين في قضية المخدرات الكبرى لجلسة 9 يونيو المقبل
قررت محكمة جنايات القاهرة الجديدة، اليوم الثلاثاء، تأجيل محاكمة سارة خليفة و27 شخصًا آخرين، بتهمة تكوين تشكيل عصابي لجلب مواد تصنيع المواد المخدرة من الخارج، وتصنيعها داخل مصر وتوزيعها والاتجار فيها، وذلك بعد تمسك المحامين بعدم الدستورية، لجلسة 9 يونيو لإرسال العينات للطب الشرعي.
محاكمة سارة خليفة و27 آخرين في قضية المخدرات الكبرى
واستمعت هيئة محكمة جنايات القاهرة الجديدة لأقوال ناصر عيد رمضان، حارس عقار، حول المتهم السادس عشر بصفته شاهد نفي في قضية المخدرات المتهم فيها سارة خليفة وآخرون.
ووجهت له المحكمة سؤال حول ما هي صلته بالمتهم السادس عشر في القضية؟ وأجاب الشاهد: معرفش اسمه كامل غير إن اسمه هاني ومعرفش الواقعة حصلت إمتى، واللي أعرفه عنه إنه ساكن في العمارة عندي في حدائق الأهرام من حوالي 3 أو 4 أو 5 شهور.
واستكمل: اللي أنا فاكره إنه غاب عن البيت 5 أيام ورجع بس مش متذكر التاريخ ولما وصل دخل عربيته الجراج وقالي هاتلي المكواة، ولما روحت مراتي طلبتني وقالتلي فيه ناس عايزينك.
وواصل: لما روحت سألوني عن هاني ساكن فين، وبعدين طلعوا كسروا الباب ودخلوا يفتشوا وأخدوا التليفون بتاعي ولما طلعوا رجعهولي، قعدوا ساعتين تقريبًا وبعدين أخدوه في العربية اللي كانت في الجراج ومشيوا وهما اللي قفلوا الباب.
