ريم سامي تكشف تفاصيل سقوط نجلها وإصابته بالرأس: أصعب يوم في حياتي
كشفت الفنانة ريم سامي، تفاصيل سقوط نجلها وإصابته في الرأس ودخوله العناية المركزة خلال الفترة الماضية، موضحة أنه كان أصعب موقف مر عليها في حياتها وأول مرة شعرت فيها بخوف حقيقي.
وقالت ريم سامي، في تصريحات إذاعية: كان أصعب يوم في حياتي لما ابني عنده 7 شهور وقع، ربنا ما يوري أم أو أب حاجة وحشة في ولادهم، أنا مبخافش أوي ولكني بخاف على أهلي، أمي عملت حادثة زمان وخفت وكنت هموت عليها، ولكني أول مرة أعرف يعني إيه خوف لما ابني وقع.
وتابعت ريم سامي: كنت صاحية 8 الصبح وسمعت صوت دبة وفي الثانية دي أنا كنت خايفة أقوم، ولاقيت محمد واقع على سن الدولاب ومن كتر ما شكله يخوف بصيت عليه قبل ما أبص على سيف، وقالي خدي سيف وروحي المستشفى بسرعة، هما الاتنين اتزحلقوا والولد وقع لأن محمد طويل.
وأضافت ريم سامي: سيف كان بدأ يفقد الوعي شوية وكنت حاسة إني هموت، أنا قلبي جامد وأي موقف بعرف أتصرف، وكان أول مرة أخض أهلي ودخلت المستشفى وأخت محمد هي اللي اتصرفت وكنت قاعدة بعيط، وشفت اليوم ده خوف ربنا ما يكتبه على حد ده أصعب موقف في حياتي.
آخر أعمال ريم سامي
وعلى جانب آخر، شاركت الفنانة ريم سامي، في السباق الرمضاني الماضي 2026، من خلال مسلسل مسلسل علي كلاي بطولة أحمد العوضي، درة، انتصار، عصام السقا، محمود البزاوي، يارا السكري، ريم سامي، أحمد صيام، محمد ثروت، ضياء عبد الخالق، أحمد عبد الله محمود، محمد ماهر، صفوة.
