كنت متمرن عليها.. المصارع عبد الله حسونة بعد تصدره التريند بحركة الخداع الذهبي: مكنتش أعرف حاجة عن الفيديو

تصدر مقطع فيديو للمصارع المصري عبد الله حسونة، وتضمن لقطة هجوم معاكس خلال بطولة إفريقيا للمصارعة التي استضافتها مدينة الإسكندرية، تريند منصات التواصل الاجتماعي.

كنت متمرن عليها.. المصارع المصري عبدالله حسونة بعد تصدره التريند بحركة الخداع الذهبي في بطولة أفريقيا للمصارعة

وخطف بطل المصارعة الصاعد عبدالله حسونة الأنظار خلال بطولة إفريقيا للمصارعة المقامة في الإسكندرية، بعد أداء استثنائي توجه بالميدالية الذهبية، خلال نهائي المصارعة الرومانية أمام منافسه التونسي، حيث نفّذ حركة مدروسة قلب بها الموازين لصالحه، والتي تعد حركة الخداع الذهبي.

وأوضح عبدالله حسونة، ابن محافظة الإسماعيلية وصاحب الـ16 عاما، في تصريحات خاصة لـ القاهرة 24، أنه لم يتوقع تصدره التريند، قائلًا: مكنتش أعرف إن الفيديو هيتشهر كدا، وهي حركة مميزة وانا متمرن عليها كتير قبل البطولة، ورجعت البيت بعد ما حصدت المركز الأول، وكل الأجانب وزمايلي اللي كانوا معايا في البطولة كانوا بيتكلموا عن الفيديو وأنا مش عارف فيه إيه، لحد ما شوفته.

وتابع: البطولة كانت يوم الاثنين في الإسكندرية، ودي تاني مشاركة دولية ليا، شاركت قبل كدا في بطولة إبراهيم مصطفى، وتفوقت فيها على مصارع عراقي و3 مصارعين مصريين، وحصدت بطولات محلية.

وأضاف: مكنتش متوقع التريند وتفاجأت بانتشار الفيديو على السوشيال ميديا، ولكن الحركة مكنتش صدفة وكانت خطة في الماتش، وأنا بلعب مصارعة من عمر 5 سنوات، والمصارعة لعبة فردية مهمة جدًا والفوز فيها محتاج تشغيل العقل والجسم.

واستكمل: أهلي دايمًا بيشجعوني ووالدي رياضي، وأخويا الصغير بيلعب مصارعة، وأختي الكبيرة بتلعب كرة يد، وكلهم داعمين ليا، وأحب أهدي نجاحي لهم، وللمدربين لانهم بيقفوا جنبي طول الوقت.