تعرض والدة سمسم شهاب لوعكة صحية والمطرب يطلب الدعاء: حالتها حرجة
أعلن المطرب الشعبي سمسم شهاب، عن تعرض والدته لـ وعكة صحية شديدة خلال الساعات الماضية، مطالبًا الجمهور بالدعاء لها بعد تدهور حالتها الصحية.
وكتب سمسم شهاب، عبر حسابه بـ فيس بوك: أمي في حالة حرجة جدًا.. أتمنى من الله الشفاء فليس لي سواها، اللهم إشفي أمي واحفظها يا رب.. يا رب أنت تعلم ليس لي سواها.
بكاء سمسم شهاب خلال حديثه عن زوجته
وعلى جانب آخر، وسبق وأن تحدث المطرب سمسم شهاب، عن زوجته الراحلة ودخل في نوبة بكاء، خلال ندوته بـ القاهرة 24، قائلًا: بقول لها وحشتيني جدا والدنيا من غيرك وحشة خالص، وكل حاجة ما بقاش ليها طعم، واللي بيخليني أعافر علشان ولادنا لأني عاوز أكون موجود في وسطيهم علشان بعد ربنا أكون سند ليهم، وباجي ليكي على طول أنا والولاد كل ما توحشينا واللي مطمني أنها في حتة كويسة.
وأضاف: فترة مرض زوجتي كانت صعبة جدًا، ولما بدأنا نعرف طبيعة المرض حالتنا كلنا في البيت اتغيرت 360 درجة والبيت اتطفى، لأنها كانت نوارة البيت وهي كل حاجة فطبعًا أثرت علينا وعلى الولاد وكلنا وقفنا معاها ورغم اللي أنا عملته حاسس أني مقصر، لأن هي تستاهل كتير أوي بس ما كانش بإيدي حاجة أعملها وأنا كان عندي أمل حتى لما دخلت العناية المركزة والدكاترة قالوا مفيش أمل، ولكن ده قضاء ربنا وإحنا راضيين.
