ليه فقدنا عقولنا؟.. مصطفى كامل عن وفاة هاني شاكر: الناس خصوا نفسهم بأمر إلهي عن دخوله الجنة أو النار
علق الفنان مصطفى كامل نقيب المهن الموسيقية، على بعض الآراء المتداولة على مواقع التواصل الاجتماعي، بشأن مصير أمير الغناء العربي هاني شاكر، إذ هاجم النقيب تعليقات مستخدمي مواقع التواصل الذين تحدثوا عن مصير أمير الغناء في العالم الآخر.
فقال مصطفى كامل خلال لقائه مع القاهرة 24: من مساوئ السوشيال ميديا إنك تخص نفسك بأمر إلهي وتقول ده يدخل النار ولا الجنة، أنا مش عارفة إحنا ليه فقدنا عقولنا، الله الوحيد اللي يعلم ما يخفي البني آدم.
مصطفى كامل يدخل في نوبة بكاء خلال تأبين هاني شاكر
وكان دخل الفنان مصطفى كامل في نوبة بكاء، خلال حديثه عن الراحل هاني شاكر، في حفلة تأبين أقامتها أكاديمية الفنون تكريمًا للراحل، قائلا: فترة جيل التسعينيات لما كنت صانع كان ليا هيبة عن المنتجين وصعب حد يعقب على حاجة بختارها، ولما سمعت هاني شاكر أغنية يا ريتني، جه المنتج طارق عبد الله مرة واحدة، وقالي هاني كلمني وقالي وحياتي عندك نشيل جملة وندخل على طول على يا ريتني قابلتك قبل ما أقابل حد.
واستكمل مصطفى كامل: قولت له ده مش كلامك دي فكرة أشرف عبده، الغنوة كده يا مفيش خالص، وقعدنا أكتر من شهر وقالي لسه راكب دماغك؟ قولت له الجملة دي فكرة الغنوة وتعالى ننفذها ولو حسيت أنها طويلة هقصها واتسجلت وقدمها في حفلته في الأوبرا واتعاد البرجراف بتاع يا ريتني عرفتك من زمان ده أكتر من 5 مرات.
