نفسنا نطمن عليه.. أول تعليق من والد إسلام ميكانيكي السفينة المحتجزة قبالة الصومال: ملحقش يفرح ببنته
كشفت أسرة إسلام عادل سليم، ميكانيكي السفينة المحتجزة قبالة الصومال من قبل قراصنة صوماليين، تفاصيل تغيب نجلها منذ يوم 2 مايو رفقة عدد من البحارة المصريين، خلال تأدية مهام عملهم في نقل النفط لإحدى الدول العربية.
أول تعليق من والد إسلام ميكانيكي السفينة المحتجزة قبالة الصومال
وقال والد إسلام عادل سليم، ابن قرية فيشا الكبري التابعة لمركز منوف بمحافظة المنوفية، في تصريحات خاصة لـ القاهرة 24: “آخر تواصل مع ابني كان من حوالي 10 أيام، وقالي إحنا محتجزين من القراصنة، وصاحب السفينة مش عايز يتدخل في حل المشكلة، وقال إنه باعها من 4 شهور”.
وأردف والد إسلام عادل سليم، ميكانيكي السفينة المحتجزة قبالة الصومال من قِبل قراصنة صوماليين: “ابني كان كل يوم يتواصل معايا ويطمن عليا وعلى والدته لحد ما تم احتجاز السفينة، كان مسافر وسايب بيته وابنته سعيًا لأكل العيش، عنده بنت عمرها سنة محتاجة أبوها”.
واستكمل والد إسلام عادل سليم: “رجوع إسلام وزملائه مش حقيقي، وعايزين نتواصل مع إسلام ونطمن عليه”.
وأوضح محمد عادل، شقيق ميكانيكي السفينة المحتجزة قبالة الصومال، في تصريحات خاصة لـ القاهرة 24: “إسلام شغال فني ميكانكي، ودي كانت أول سفرية له، وسافر يشتغل ويأمن مستقبله زي باقي الشباب، وتفاجأنا يوم 2 مايو باحتجاز السفينة بالنفط اللي عليها من قبل قراصنة صوماليين، والقراصنة طلبوا من الشركة فدية 10 ملايين دولار، ونناشد بعودة ابننا والاطمئنان عليه هو وزملاؤه، إسلام وزملاؤه عايشين تحت تهديد السلاح من قبل القراصنة”.
