المخرج محمد دياب عن جدل ادعاء دعم فيلم أسد لـ الأفروسنتريك: مش لاقيين لنفسهم حضارة
علق المخرج محمد دياب، على جدل إدعاء دعم فيلم أسد، بطولة الفنان محمد رمضان، لأفكار الأفروسنتريك، موضحًا أن العمل لا يمت لـ الأفروسنتريك بأي صلة، مؤكدًا أن العمل مدمرًا للأفروسنتريك منذ مشاهده الأولى.
المخرج محمد دياب يرد على ادعاء دعم فيلم أسد لـ الأفروسنتريك
وقال محمد دياب، في مداخلته مع الإعلامي عمرو أديب، في برنامج الحكاية: كلمة الأفروسنتريك جاية من الناس الإفريقية الأمريكية اللي مش لاقيين لنفسهم حضارة فبيدوروا على حضارة ناس تانية وبيدعوا كلام كذب وكلام فارغ أن المصريين اللي عايشين دلوقتي غزاة، وأن الحضارة المصرية اللي بناها إفريقيين سود وإحنا طردناهم، طبعًا ده كلام فارغ، الكلام ده بيقول أن مصر أصلًا سود.
وأردف محمد دياب: أول مشهد في فيلم أسد اختطاف الولد والعبيد من إفريقيا على يد قراصنة إنجليز وبعدها بيجوا مصر، وأول مشهد بيدمر تمامًا فكرة الأفروسنتريك، وبيقول أن الأفارقة اللي في مش أصلهم مصري.
وأضاف: أنا هحرق الفيلم علشان نخلص، الفيلم بينتهي بـ أن في ناس بترجع إفريقيا، الفيلم بيقول إن الأفارقة اللي موجودين أصلهم مش من مصر، الأفروسنتريك إيه أنا مصري والفيلم ده ضميري بعمله عشان أدمر الأفكار الأفروسنتريك، هي مشكلة حقيقية في تفكير الأفارقة الأمريكان عننا، و90% من الكلام اللي بيتقال من ناس مشافتش الفيلم كالعادة، أرجوكم انتقدوا الفيلم وبهدلوه بس في اللي فيه لو عايز تقول مستواه الفني وحش براحتك، إحنا عندنا فيلم مصري في إجماع أنه علامة بمستواه الفني، الفيلم أعمل أكبر افتتاحية في تاريخ مصر برا العيد وحقق 6 ملايين ودي حاجة كبيرة.
