فتاة تحذر من نظام الطيبات بعد دخول والدتها العناية المركزة: مشيت عليه لـ3 أسابيع وأصيبت بجلطة في القلب
نشرت فتاة تدعى نور رامز، منشورًا لها عبر حسابها بموقع التواصل الاجتماعي فيسبوك، تحذر فيه من اتباع نظام الطيبات، وذلك بعد تعرض والدنها لمخاطر صحية، حيث اتبع والدتها النظام لمدة 3 أسابيع.
وقالت نور رامز، في منشور لها عبر فيسبوك، نظام الطيبات اللي مش طيب، ماما كان بقالها حوالي 3 أسابيع ماشية علي نظام الطيبات، والنتيجة إنها بقالها 6 أيام في المستشفى تعبانة، ماما محجوزة في العناية المركزة بجلطة في القلب، وضعها الصحي وتحاليلها مش حلوة، مع العلم إن ماما لما كنت بعمل تحاليل أنا وهي تحاليلها كانت بتبقي أحلي مني وآخر مرة عاملين دا شهر مارس.
وتابعت: الدكاترة قالوا لماما في العناية عارفة يا حاجة كام حد دخلنا قسطرة قلب مؤخرًا بسبب نظام الطيبات دا؟.. أنا مش بدين النظام ولا أجزمت إنه السبب، ولكن زي ما قولتلكم ده كلام الدكاترة، وماما موقفتش علاجها كانت بتاخد علاج القلب والسيولة عادي جدًا، وكانت بتفطر توست وجبنة شيدر، وساعات توست ومربي، والغداء بطاطس مسلوقة مع أي حاجة سردين أو لحمة.
واختتمت: في الأسبوع الأخير تحديدًا كان أكلها نفس الفطار، وفي الغداء كان بطاطس محمرة أو برام باللحمة أو بطاطس محمرة، ومن وجهة نظري الشخصية إن النظام ده مش صحي 100%، ومش مقتنعة إن عادي أكل بطاطس مقلية في زيت وأقول الدكتور قال عادي، ولا السكريات وأقول عادي، الحاجات الصحية اللي شيفاها في النظام هي منع الدقيق الأبيض والصيام المتقطع، وكل واحد وجسمه وتجربته.
