ننشر أقوال صاحبة كافيه بمدينة نصر في واقعة تنظيم حفل عيد ميلاد صديق كروان مشاكل: الكافيه غير مرخص وماشيه في إجراءات الترخيص
كشفت التحقيقات عن تفاصيل واقعة اتهام صاحبة كافيه بمدينة نصر بالقاهرة بالتجهيز لحفل أعده البلوجر كروان مشاكل لأحد أصدقائه بدون ترخيص بمدينة نصر.
ننشر أقوال صاحبة كافيه بمدينة نصر في واقعة تنظيم عيد ميلاد صديق كروان مشاكل دون ترخيص
وجاءت أقوال صاحبه الكافيه أمام جهات التحقيق بسؤالها ما قولك فيما هو منسوب اليك من انك متهمة بإدارة حانوت عام بدون ترخيص علي النحو المبين بالاوراق؟
ج: أنا ماشيه في إجراءات الترخيص.
س: ما هى ظروف ضبطك وعرضك علينا وأوجه دفاعك عن نفسك؟
ج: اللي حصل إني أنا عندي كافيه واسمه كيان والكافيه ده مش مترخص وأنا ماشيه في إجراءات الترخيص وجه حد اتفق معايا على إقامة حفل لعيد ميلاد من حوالي 3 الى 4 أيام وكان اسمه محمد.ا، وقالي إنه عايز يحجز المكان كله لحفلة عيد الميلاد لحوالي 40 فرد وهتكون انهارده 2026/2/16 واني هاخد 10000 جنيه وأخدت 7000 جنيه وقالي إن الحفلة دي تبع كروان مشاكل وإنه بيتعامل معاه واتفقنا وكان المفرزوض إن عيد الميلاد يتعمل انهارده لحد ما لقيت أمين شرطة جالي على الكافيه وسأل عليا ونزلتله فلقيت ضباط وأمناء شرطة جولي ومحدش أتكلم معايا في حاجة لحد ما جيت دلوقتي على هنا وده كل اللي حصل.
س: ما هو طبيعة عملك ومصدر رزقك تحديدًا؟
ج: عندي كافيه.
س: وما بيانات ذلك المقهى تحديدًا؟
ج: هو اسمه كيان في ٢٣ شارع محمد توفيق وهبه متفرع من شارع محمد المقريفي متفرع من شارع حسن المأمون.
س: وهل ذلك المقهى يعمل ويستقبل العملاء؟
ج: أيوه أنا شغاله من حوالي أربع شهور.
س وهل من ثمة تراخيص بحوزتك لادارة ذلك المحل؟
ج: الكافيه ده مش مترخص وأنا ماشيه في إجراءات الترخيص.
س: إذا ما هي كيفية قيامك بممارسة ذلك النشاط بدون ترخيص؟
ج: أنا خدت الكافيه ده من حوالي 4 شهور بس وماشيه في إجراءات الترخيص.
س: وما صلتك بحفل عيد الميلاد الذي كان مزمع بدأ فاعلياته اليوم بالمقهى ملكك؟
ج: أنا في واحد جه اتفق معايا على إقامة حفل لعيد ميلاد.
س: ومن الذي أبرم ذلك الاتفاق معك تحديدًا؟
ج: واحد إسمه محمد.ا.
س وهل من سابق معرفة فيما بينك وبين سابق الذكر؟
ج: لا أنا معرفهوش من قبل كده.
س: ومتى تحديدًا حضر اليك سابق الذكر؟
ج: من حوالي 3 الى 4 أيام.
س: وما مضمون الاتفاق الذي دار فيما بينكم؟
ج: قالي إنه عايز يحجز المكان كله لحفلة عيد الميلاد لحوالي 40 فرد وهتكون انهارده 2016/2/16.
س: وما هو المقابل المادي المتفق عليه؟
ج: إني هاخد 10000عشرة الاف جنيه واخدت 7000 جنيه.
س: وما صلة المتهم أحمد.ع.م. الشهري بكروان مشاكل بذلك الحفل؟
ج: هو اللي اسمه محمد.ا، ده قالي إن الحفلة دي تبع كروان مشاكل وانه بيتعامل معاه واتفقنا.
س: وهل تم تنظيم ذلك الحفل؟
ج: لا.
