أنا مين علشان أكفر حد.. عمرو الجنايني يوضح تصريحه "ولو كره الكافرون" بعد فوز الزمالك بالدوري
رد عمرو الجنايني عضو لجنة الاستثمار بنادي الزمالك على الجدل المثار في الساعات الماضية بشأن تعليقه على فوز الزمالك بالدوري، بعدما ظهر في مقطع فيديو متداول وهو يرد على تهنئة أحد الأشخاص له بالدوري قائلا: ربنا أراد ولو كره الكافرون.
عمرو الجنايني يوضح تصريحه "ولو كره الكافرون"
وفي فيديو متداول عبر حسابه الرسمي بموقع التواصل الاجتماعي فيسبوك قال: أنا مين علشان أكفر أي حد ؟؟؟.. طبعا مش ده المقصود ولا ينفع في يوم من الأيام أقصد ده واللي يعرفني كويس هيعرف نيتي كويس.
وأضاف الجنايني: يا اخوانا بقول ربنا أراد وربنا عاوز كده واللي ح يقول غير كده يبقي كافر.. هو لما ربنا يريد ينفع نقول ده ما ينفعش ؟؟؟؟.
وواصل الجنايني متسائلا: "أنا أكفر حد ؟؟ أعوذ بالله.. وأي حد فهم غير كده للأسف هو مخطئ وأعتذر لكل من فهم كلامي غلط.. لذا لزم التنويه والتوضيح.. وأنا طالع الحج بعد بكرة إن شاء الله.. ربنا يتقبل مننا ويسامح من أخطأ منا.
ويعد اللقب رقم 15 محطة مهمة في تاريخ الزمالك، خاصة بعد موسم شهد منافسة قوية على صدارة جدول الترتيب، قبل أن يحسم الفريق البطولة لصالحه في الجولة الأخيرة.
