انتصار: أنا ضد عمل المرأة.. وأي ست بتشتغل هتقولك ضهري بيوجعني
تحدثت الفنانة انتصار عن رأيها في عمل المرأة، خلال ظهورها ببرنامج معكم تقديم الإعلامية مني الشاذلي، مؤكدة أنها لا تؤيد خروج المرأة للعمل بعد سنوات طويلة من الضغوط والمسؤوليات.
وقالت انتصار: أنا ضد عمل المرأة، وأي ست بتشتغل هتسأليها: عايزة تقعدي في البيت؟، بعد 10 سنين شغل هتقولك يا ريت، طظ في القرشين اللي هيجولي، ضهري بيوجعني، فلوسي رايحة طول النهار في الشارع، عيالي مش لاقياهم، ولا أنا لاقية نفسي.
وردت الإعلامية منى الشاذلي على حديث انتصار، قائلة: طب لو الست اختلفت هي وجوزها وانفصلت، ومفيش حد يعولها تعمل إيه؟، ولو جوزها اتوفى لازم تبقى مؤهلة إنها تبقى ضهر لنفسها، صبرك واحترامك وتعليمك أهم سلاح لازم يبقى معاكي.
أعمال انتصار
يذكر أن انتصار يعرض لها بدور العرض فيلم الكلام على إيه، ويشارك في بطولة العمل عدد من الفنانين أبرزهم أحمد حاتم، آية سماحة، سيد رجب، جيهان الشماشرجي، حاتم صلاح، انتصار، سيد رجب، مصطفى غريب، ودنيا سامي.
وتدور أحداث فيلم الكلام على إيه حول أربع حكايات لأزواج من خلفيات وأعمار مختلفة، يجتمعون في ليلة الزفاف، لكن تتحول هذه الليلة إلى مواقف كوميدية وأزمات مفاجئة تختبر علاقاتهم وتكشف طبيعة كل زوجين.
وتنتظر انتصار عرض فيلم سقر وكناريا بطولة محمد أمام، شيكو، الى جانب عدد من الفنانين من بينهم يارا السكري، يسرا اللوزي، خالد الصاوي، دانا حمدان، من إخراج حسين المنباوي، تأليف أيمن وتار.
