بعد نادر نور.. الملحن إسلام زكي: معظم المطربين مش بيردوا وبيتجاهلوا الرسائل والمكالمات
كشف الملحن والمطرب إسلام زكي عن رأيه في كلام الملحن نادر نور بعدما عبر عن استيائه بسبب قلة الأعمال التي تعرض عليه، معلنًا تضامنه الكامل معه.
بعد نادر نور.. الملحن إسلام زكي: معظم المطربين مش بيردوا وبيتجاهلوا الرسائل والمكالمات
ونشر إسلام زكي منشورا عبر حسابه الخاص على فيسبوك، كتب فيه: أنا بضم صوتي لصوت الملحن الكبير نادر نور، علشان الناس اللي بتبعت لي كلام وعشمها خير، معظم المطربين لو مش كلهم مش بيردوا تمامًا وبيتجاهلوا كل الرسائل والمكالمات.
وأضاف: بواجه صعوبة في التواصل معاهم علشان أعرض شغلي عليهم، علشان الناس اللي بتسألني أنت مش متواجد ليه؟ أسألوهم هما مش أنا، علشان غالبًا أنا معنديش أي أعمال السنة دي.
واستكمل قائلًا: أنا بشتغل وبعمل اللي عليا سواء ملحن أو موزع والحمد لله معنديش أغنية أخجل منها، وليا رصيد أتشرف بيه من أول ما بدأت في 2008.
وواصل: أنا عمري ما هبطل أعمل الحاجة اللي بحبها وأعمل أغاني حتى لو هفضل أسمعها لوحدي في عربيتي، بكون سعيد وأنا عارف إن ربنا إداني الموهبة دي ولسه عندي كتير حتى لو مظهرش للنور.
