وكيل الأزهر: كل العربيات اللي بتنقل أسئلة الثانوية الأزهرية إلى اللجان معمول ليها تتبع
قال الشيخ أيمن عبد الغني، وكيل الأزهر الشريف، إن كل الإجراءات والاستعدادات الخاصة بامتحانات الثانوية الأزهرية خلال الفترة الماضية مرت بكل سهولة ويسر وبما يحقق الاطمئنان للطلاب.
وكيل الأزهر عن امتحانات الثانوية الأزهرية: كل العربيات اللي بتنقل الأسئلة من مركز الأسئلة للجان معمول ليها لوكشين وتتبع
وقال خلال لايف مع القاهرة 24: بالنسبة لأسئلة امتحان مادة القرآن والذي يؤديه الطلاب الآن، مفيش أي شكوى من الأولاد والأسئلة متوازنة والامتحان متوازن وتحققت فيه كل الأوزان النسبية.
وتابع: هناك صعوبات تمت إزالتها منها وصول السيارة المخصصة لتوصيل الأسئلة لأحد المعاهد تأخرت عن الميعاد، فمن المفروض وصولها 8 صباحا لكنها تأخرت شوية ومع ذلك استطاعت اللجنة تجهيز الأوراق ولم يؤثر ذلك على الطلاب.
وتابع وكيل الأزهر: كل العربيات اللي بتنقل الأسئلة من مركز الأسئلة للجان معمول ليها لوكشين وتتبع علشان نبقى عارفين راحت فين وإيه سبب التأخير وغيرها من الأمور، وحصل بعض الصعوبات لكن تمت إزالتها.
وقال: حصل تأخير من بعض الملاحظين لأنه أول يوم وكل واحد بيحاول أن يصل للجنته لكن هناك عدد كافي ولم يؤثر ذلك على شيء، وكل اللي محضرش اللجان سيحال للشؤون القانونية.
