راغب علامة: تعرضت للاختطاف ومحاولة اغتيال.. ويوم السعد لما ربنا ياخدني عنده
تحدث الفنان راغب علامة عن تفاصيل تعرضه للاختطاف خلال السنوات الماضية، بجانب كشف تفاصيل محاولة اغتياله عام 1998، بالإضافة إلى حديثه عن برامج اكتشاف المواهب والجمهور المصري، وذلك خلال حلوله ضيفًا على أحد البرامج التلفزيونية.
أبرز تصريحات راغب علامة
وجاءت أبرز تصريحات راغب علامة كالتالي:
- أنا مش فنان جيلي وبغني لكل الأجيال، ولا زلت لليوم بلاقي الستيني والسبعيني في حفلاتي.
- أغنية قلبي عشقها عملت فرق معايا في مسيرتي الفنية، لأنها دخلت قلوب المصريين، ولما تدخل قلوب المصريين تبقى خدت باسبور الفن في العالم العربي.
- خطفوني قبل كدا.. كنت في منطقة مع صديق وصديقة فجأة مجموعة خدونا مسيطرين على المنطقة، وأكيد مبعوتين من حد، فضلت عندهم 6 ساعات وعرفت مين وراهم، واتعاقبوا، ومفيش حد جرب يؤذيني إلا وربنا وراني فيه شيء.
- كنت في عمان سنة 1998 وكان فيه محاولة لاغتيالي، واحد كان واقف ورا وضرب طلق ناري واتصابت في رجلي وكتفي، ولكنه كان قاصد يضربني بالنار في رأسي، واتمسك والتحقيقات قالت إنه حد مش طبيعي.
- أنا مؤمن بأبعد درجات الإيمان، ومبخافش من الموت أبدًا، ولما ربنا ياخدني عنده يوم سعد لأن الله هو اللي طلبني، فالموت مش عقاب أبدًا.
- برامج اكتشاف المواهب على أيامنا كانت حقيقية، ولكن دلوقتي مش حقيقية، ومعروف في السوشيال ميديا أن فيه تزوير في الأرقام، ولكن لما بكون أنا لجنة تحكيم في برنامج بعرف إزاي نبني مواهب.
