محمود سعد عن غياب والده منذ الطفولة: مشي وسابني رغم إنه كان غني
سرد الإعلامي محمود سعد كواليس معاناته مع غياب والده عن حياته منذ الطفولة، مشيرًا إلى أنه شعر بذلك الفقد بعدما تخطى سن الـ65 من عمره، خاصةً بعد تزايد معدلات الطلاق يوم عن الآخر وترك الكثير من الآباء أبنائهم.
تفاصيل غياب والد محمود سعد عن حياته
وقال محمود سعد خلال تصريحات تليفزيونية: أبويا كان غني جدًا كان عنده عزبة 160 فدان ولكن مش موجود، وأمي معاها دبلوم تجارة ونزلت تشتغل عشان الأب مشي، وممكن أحسب شوفت أبويا كام مرة.
وأردف: أفتكر شوفته مرة وأنا صغير في رمضان، ومرة لما ضربني بالطقطوقة ومرة جالنا في المنيرة أو مرتين تلاتة، ولكن روحتله العزبة كذا مرة ورجعت مكسور الخاطر، مكنتش واخد بالي خالص من غيابه غير بعد 65 سنة.
كما أوضح محمود سعد عن أسباب اكتشافه أثر غياب والده عن حياته بعد سن الـ65، قائلًا: لما بدأت حالات الطلاق تكتر وفيها نفور عجيب، وبسمع قصص كتير وعن أب طلق مراته وساب عياله، طب أنت طلقت، عيالك مالهم! وكمان أكثرت في الفترة الأخيرة من قراءة المذكرات، ولقتي إن كل واحد بيقول أبويا عملي أو واحد تاني كاتب إهداء لأبوه فبقيت بقول، وأنا أبويا عمل كده ليه؟ فحسيت إن ليه في السن ده بفتكر كل ده، فياريت كل أب بيتعامل بالطريقة دي مع أولاده، يهتم بيهم؛ لأن هيطلعله عيل زيي يقول أبويا مربانيش ولا اهتم بيا.
