وسط موجة الحر.. أهالي قرية بنهو بسوهاج يستغيثون من انقطاع التيار الكهربائي لساعات طويلة
استغاث أهالي قرية بنهو التابعة لمركز طهطا بمحافظة سوهاج، من استمرار انقطاع التيار الكهربائي عن عدد كبير من المنازل، منذ الساعة 10 صباحًا، وسط موجة طقس شديدة الحرارة.
أهالي قرية بنهو بسوهاج يستغيثون من انقطاع التيار الكهربائي لساعات طويلة
وعبر عدد من الأهالي عن استيائهم عبر مواقع التواصل الاجتماعي، مطالبين المسؤولين بسرعة التدخل لإعادة التيار الكهربائي، خاصة في ظل معاناة الصغار وكبار السن والمرضى من ارتفاع درجات الحرارة.
وقال أحد الأهالي في منشور عبر فيسبوك: والله يا جماعة دا حرام اللي بيتعمل فينا.. الجو نار النهاردة الحرارة 41 درجة والنور قاطع من الصبح ولسه مجاش لحد دلوقتي.. مين يقدر يقعد في الجو النار ده من غير مروحة.
وأضاف: الواحد مش قادر يستمتع بأقل حق ليه إنه يقعد في الهواء، طيب الأطفال الصغيرين والناس الكبيرة، والناس اللي قاعدة في الدور الأخير، الجو بيكون نار لوحده، ارحموا الناس.
فيما علق آخر قائلًا: العيال تعبت.. إيه آخرة النور القاطع ده؟ محدش عنده علم هيرجع إمتى؟.
وطالب الأهالي مسؤولي قطاع الكهرباء بسرعة الكشف عن أسباب الانقطاع وإعادة الخدمة في أسرع وقت ممكن، لتخفيف معاناة الأهالي في ظل الارتفاع الكبير في درجات الحرارة.
