دونجا: كنا نطمح للفوز على بلجيكا.. والتعادل نتيجة إيجابية
أكد نبيل عماد دونجا لاعب خط وسط منتخب مصر على ظهور الفراعنة بمستوى مميز أمام منتخب بلجيكا، ضمن مواجهات الجولة الاولى من المجموعة السابعة في كأس العالم 2026.
تصريحات دونجا
وقال نبيل عماد دونجا لاعب منتخب مصر في تصريحات للصحفيين بحضور مراسل القاهرة 24 عقب المباراة: ظهرنا كلنا كمجموعة ظهرنا بشكل كويس، لأن منتخب مصر منتخب كبير، كلنا كنا بنطمح النهاردة في مكسب وإحنا دايما بنلعب على المكسب، بس الحمد لله قدر الله وما شاء فعل.
وأضاف: اللعيبة اللي لعبت كلها عملت اللي عليها النهاردة، قدروا يشتغلوا بأسلوب كابتن حسام والتعليمات، والحمد لله قدرنا نوقف كل اللعيبة الخطيرة اللي عندهم وقدرنا نظهر بشكل كويس، وإن شاء الله دي البداية لينا كلنا والماتشات اللي جاية بإذن الله نقدر نفوز فيها.
وأكد: إحنا منتخب مصر عندنا 7 أفريقيا، دايمًا بنلعب على المكسب وعلى الفوز، وأسلوب كابتن حسام وأسلوب اللعيبة كلها إننا بنلعب على المكسب وإننا دايمًا بنهاجم والحمد لله.
واختتم: زي ما قولت إحنا دايمًا بنلعب على المكسب، والنهاردة كنا جايين بنطمح إننا ناخد الـ 3 بونت، اللعيبة كلها أدت اللي عليها، وكل اللعيبة اللي لعبت قدرت تشتغل بشكل كويس، والحمد لله طلعنا بنتيجة إيجابية، وهو كابتن حسام بارك للعيبة كلها على الأداء، وإن شاء الله الماتشات اللي جاية تكون أحسن.
