انتظرت ولادته 13 سنة.. والد رضيع بالشرقية يستغيث لعلاجه من عيب خلقي بالقلب: محتاج تدخل جراحي فوري
استغاث والد الرضيع محمد رمضان عيد علي، من محافظة الشرقية، لعلاجه من حالة صحية خطيرة بالقلب، حيث تبين أنه يعاني من عيب خلقي في القلب، ويحتاج لتدخل جراحي فوري لإنقاذ حياته.
والد رضيع بالشرقية يستغيث لعلاجه من عيب خلقي بالقلب
وقال والد الرضيع محمد رمضان عيد علي، في تصريحات لـ القاهرة 24: محمد اتولد يوم 9 يونيو واكتشفنا إنه مصاب بعيب خلقي في القلب، والدكاترة قالوا محتاج تدخل جراحي، والمستشفى في الشرقية رفضت استقباله، واضطريت أدخله حضانة خاصة، ودفعت فيها ما يزيد عن 18 ألف جنيه في أول 3 أيام.
وتابع رمضان عيد علي، والد الرضيع محمد رمضان، مريض القلب: ابني على جهاز التنفس الصناعي، ومفيش تحسن ومحتاج العملية عشان مفيش أكسجين داخل للجسم، وحالته ما بين الحياة والموت، عندي ولد كبير معاق، وبنتين، والمولود دا كنت بتمناه من الدنيا دعيت ربنا به لمدة 13 سنة، واتمنيت ربنا يكرمني به ويكون سند لإخواته البنات.
واستكمل: ـنا راجل على باب الله واستلفت كتير من الناس عشان أقدر أدفع فلوس الحضانة لمدة 12 يوم، ولفيت كتير على المستشفيات عشان حد يوافق يعمل له العملية، ولكن اللجنة الطبية مش راضية تقبل حالته، وكل يوم بيمر الخطر بيزيد عليه، استلفت حوالي 53 ألف جنيه لدفع تكاليف الحضانة، ولسه لحد النهاردة مش لاقي مستشفى يوافق يعمل له العملية.
