نيللي كريم: راضية عن مسلسل "على قد الحب" ومش ندمانة على حاجة في مشواري.. وشفت نجاحات عظيمة في أعمالي الرمضانية
تحدثت الفنانة نيللي كريم، عن مشوارها الفني، موضحة أنه لا يوجد ما تندم عليه بمشوارها من أعمال فنية، بجانب الحديث عن مسلسلها الرمضاني الأخير على قد الحب، مؤكدة أنها راضية عنه بالرغم من عدم تحقيقه النجاح الذي شاهدته في أعمالها السابقة على حد قولها.
وقالت نيللي كريم، في تصريحات تليفزيونية: لو هقف أمام المرأة هقول برافو نيللي على اللي وصلتي ليه، وأسقف لنفسي، لأن كل اللي وصلت له بمجهودي واحدة واحدة وأخدت وقتي، ولغاية دلوقتي مفيش حاجة ندمانة عليها في شغلي، في صعود وهبوط وحاجات اشتغلتها وقلت كان ممكن يبقى أحسن من كده أو مش وقتها دلوقتي، التحسن مالوش نهاية.
وأضافت: راضية بشكل معقول وساعات بقول كان ممكن أعمل أحسن من كده، وساعات بقول أنا اللي عطلت نفسي، وأنا راضية عن مسلسل على قد الحب، والواحد لما بينجح أوي في أعمال كتير على مدار سنين كتير، أنا شفت نجاحات عظيمة عن الأعمال الدرامية اللي عملتها في مواسم رمضان، ولما بتعمل أعمال بتبقى لذيذة مش زي الأعمال اللي كسرت الدنيا بتبقى متصالح
وأوضحت نيللي كريم، أن الأزمة في الأعمال الدرامية هو عدم عرض السيناريو كاملًا على الفنان، مؤكدة أنه يجب أن يتم قبول العمل بعد معرفة جميع الخطوط الدرامية ونهايتها، معلقة: مشكلة الأعمال بتاعة رمضان أن بنبقى على الهواء والوقت ضيق.
