أحمد العوضي: كلام اللجان مابيشغلنيش.. والأهم بالنسبة لي المسلسل يكون رقم 1
حرص الفنان أحمد العوضي على توضيح أهدافه من الأعمال الدرامية التي يقدمها، مشيرًا إلى أنه لا ينشغل بم ينشره اللجان الإلكترونية على مواقع التواصل الاجتماعي.
وقال العوضي خلال لقائه مع القاهرة 24: أنا دايمًا عيني مع الناس اللي بتحبني وهما اللي بيشجعوني، وده لأن محدش بيجتمع عليه كل الناس، وأي تفاصيل مش بتشغلني، اللي يهمني أعمل مسلسل رقم 1 في مصر، مش هقعد أجري وأشوف ده وصل لفين، اللي يشغلني إن المسلسل وصل للمركز الأول.
أما عن سبب اهتمامه بتقديم الأعمال الشعبية فقال: كل حد بيميل لنوعية معينة بيحب يقدمها، أنا بميل للنوع الشعبي وأقدم الطبقة الشعبية وأحب الناس اللي بتتفرج عليه وبيحبوني، وكل واحد بيختار الطريق اللي عايز يمشي فيه، وده لا يعيب حد.
كما تطرق العوضي في حديثه عن تحضيراته لمسلسل جديد يخوض من خلاله السباق الرمضاني 2027، مع المؤلف محمود حمدان، مشيرًا إلى أنه لم يتم التعاقد مع باقي الممثلين، قائلًا: كل الأسامي المطروحة مجرد ترشيحات أول ما يتم التعاقد رسميًا هنعلن عنه.
أعمال أحمد العوضي
انتهى أحمد العوضي مؤخرًا من تصوير فيلم شمشون ودليلة، الذي يلعب بطولته مع الفنانة مي عمر، وينتظر طرحه في دور العرض المصرية يوم 8 يوليو المقبل، لينافس ضمن أفلام موسم صيف 2026.
