أول تعليق من الأم صاحبة فيديو تعذيب صغيرين على يد والدهما: أنا في القسم وهجيب حق عيالي
تداول مستخدمو السوشيال ميديا مقطع فيديو لسيدة من منطقة حلوان بالقاهرة، تستغيث من اعتداء زوجها على صغيرين بشكل عنيف، ما أثار استياء وغضب واسع عبر المنصات الاجتماعية.
أول تعليق من الأم صاحبة فيديو تعذيب صغيرين على يد والدهما
وقالت السيدة في تصريحات خاصة لـ القاهرة 24: أنا شوفت مع زوجي مأساة كبيرة وعيشتها أنا وأولادي بسبب العنف والضرب الشديد، وأنا حاليا في القسم وحقنا هيرجع بإذن الله.
وشاركت السيدة عبر فيسبوك منشورًا جاء فيه: أنا أم مصرية وبكتب الكلام ده وأنا قلبي مش قادر يشيل أكتر من كده، انا بكتب البوست ده عشان الحق أولادي، وبكتب عشان لو سكت أكتر من كده، ممكن أصحى في يوم على مصيبة، وساعتها الندم مش هيرجع طفل اتكسر ولا أم اتقهرت
وواصلت: البوست ده مرفق معاه أدلة، بعد مراعاة خصوصية الأطفال قدر الإمكان، فيديو لتعذيب الأطفال بالضرب والحزام وصور لآثار الحروق في جسم الطفل.
وأكملت: بسبب ظروف معينة لما لقاني اشتغلت وبقيت أجيب دخل، ولما شاف إن الدخل ده رايح لتعليم الأولاد ومصاريفهم، ومش في إيده هو، قعدني ومنعني اشتغل، أطفالي الصغيرين. ابني أحمد عنده 9 سنين وعندي أطفال بنات صغيرين.
واختتمت: عندي رضيع اسمه ريان عمره سنة و3 شهور وبحسب اللي عشته وشوفته في بيتي، أولادي تعرضوا للضرب بالحزام، والتهديد، والرعب، والشتيمة، والألفاظ اللي تكسر نفس الطفل قبل جسمه، ووصل الأمر للحرق بالنار.
