بتسيبها جعانة ولوحدها في البيت.. أول تعليق من الأب صاحب فيديو إهمال طليقته لابنته صاحبة الـ 3 سنوات
تداول مستخدموا السوشيال ميديا مقطع فيديو لـ أب يستغيث من إهمال طليقته لصغيرته صاحبة الـ 3 سنوات، حيث تتركها والدتها بمفردها في المنزل وتذهب للعمل، دون إطعامها أو رعايتها من أي شخص.
أول تعليق من الأب صاحب فيديو إهمال طليقته لابنته
وقال الأب في تصريحات خاصة لـ القاهرة 24: طليقتي بتسيب بنتي لوحدها في الشقة وبتنزل تروح الشغل، البنت عندها 3 سنين وبتقعد من غير أكل وبتدخل البلكونة لوحدها.
وأضاف الأب: الصغيرة بتفضل تنادي على أي حد في الشارع عشان جعانة والناس بتحدفلها أكل لأنها في الدور الأول، وبيتي قريب من منزل طليقتي فالناس قالولي اللي بيحصل في بنتي وأنها بتسيبها بدون أكل من الظهر حتى المغرب وممكن يحصلها أي حاجة لقدر الله.
وأكمل الأب: الصغيرة بتفضل جعانة من الظهر للمغرب وبتنادي على الناس في الشارع عشان يقدمولها أي أكل وهي طفلة وحيدة في البيت وأول ما أمها بتنزل بتدخل للبلكونة والأهالي لما شافوها كانوا بيحدفولها طعام لأن الشقة في الدور الأول، بنتي في خطر وخايف عليها ترمي نفسها من البلكونة أو يحصلها مكروه.
