بعد «هسجنك يا كلب».. فادية عبد الغني عن مشاجرتها مع شاب: تعدى عليّ بالسب وكان عايز يعوّر نفسه بكاتر
كشفت الفنانة فادية عبد الغني تفاصيل المشاجرة التي نشبت بينها وبين أحد الأشخاص، وذلك بعد تداول مقطع فيديو للواقعة على مواقع التواصل الاجتماعي، ظهرت فيه الفنانة وهي تسب الشاب.
تفاصيل مشاجرة فادية عبد الغني
وقالت فادية عبد الغني، في تصريحاتها لـ القاهرة 24: كنت بجدد الرخصة بتاعتي في المرور، وبنتي وهي بترجع بالعربية بضهرها لمست عربيته لمسة بسيطة جدًا، ومحصلهاش أي حاجة، وقولناله شوف محتاج إيه وإحنا مستعدين.
وأضافت فادية عبد الغني: الشاب فضل يصرخ بشكل مبالغ فيه، حتى مراته استغربت إصراره، رغم إننا قولناله شوف عايز إيه، وأنا قولت له هسجنك يا كلب، بعد ما قل أدبه علينا وسب الدين، لكنه اقتطع الجزء ده من الفيديو المنشور.
كما اتهمت فادية عبد الغني الشاب بمحاولة استغلال الواقعة لتحقيق “تريند” عبر مواقع التواصل، قائلة: بيحاول يعمل تريند على حسّي.
وأكدت أن مساعدها طلب من الشاب تسليم رقم هاتفه للتواصل معه وإصلاح أي تلفيات إن وجدت، لكنها زعمت أنه "حاول يعور إيده بكاتر"، مضيفة: "استفزني لدرجة إني رديت عليه، وهو عايز يتبلى عليا، وتطاول عليا أنا وبنتي، وده متسجلش في الفيديو، والمساعد بتاعي قاله خد تليفونه وقاله شوف هتتصلح ازاي وكلمنا، وحاول يعوّر إيده بكاتر، هو استفزني لدرجة إني رديت.
