أول تعليق من عامل الدليفري بعد شكوى السكان من جلوسه بحديقة كومباوند بالقاهرة الجديدة: كنت صايم وقعدت أفطر
تصدر منشور لأحد سكان القاهرة الجديدة، حول تناول عامل توصيل الطعام داخل حديقة الكومباوند، تريند منصات التواصل الاجتماعي، حيث نشر أحد السكان منشور يشكو فيه من وجود عامل التوصيل داخل الحديقة لتناول الطعام، ليتعاطف الجميع مع العامل ويصبح حديث السوشيال ميديا.
أول تعليق من عامل الدليفري بعد شكوى السكان من جلوسه بحديقة كومباوند بالقاهرة الجديدة
وقال عبدالرحيم عماد الدين، عامل التوصيل بمنطقة القاهرة الجديدة، بعد شكوى السكان من جلوسه بحديقة كومباوند، الموقف ضايقني نفسيًا وحسيت إني منبوذ.. وكنت صايم يوم الأربعاء وركنت الموتوسيكل بعد تسليم الأوردر وقعدت أكسر صيامي في المكان دا لإنه قريب من المسجد وكنت رايح أصلي المغرب.
وتابع عامل الدليفري بعد شكوى السكان من جلوسه بحديقة كومباوند بالقاهرة الجديدة: تفاجأت بنشر صوري على السوشيال ميديا وأنا بأكل في الجنينة، وإن أحد السكان بيشتكي مني في منشور على جروب بموقع فيسبوك.
وأضاف عامل الدليفري: كنت بأكل زي أي حد في الدنيا وقت راحة العمل، وكنت لسه موصل أوردر في نفس عمارة المهندس اللي صورني واشتكى مني، هو لا يعرفني ولا أعرفه وصورني من غير علمي، ويكفيني دعوات الناس ليا وكلامهم الإيجابي عني ودعمهم، ونفسيتي صفر بسبب الموقف ومقدرتش أنزل الشغل تاني يوم.
