ننشر أقوال مروان المتهم بقضية دهس هدير بائعة الشاي: جودي ساقت العربية حتة صغيرة وفقدت السيطرة ودخلت في عربية القهوة
كشفت التحقيقات في القضية رقم 1514 جنح طفل الأهرام لسنة 2026، والخاصة بوفاة هدير محمد بائعة الشاي، بعد ما صدمتها سيارة، ما تسبب في إصابتها بإصابات بالغة أودت بحياتها، أقوال المتهمين.
ننشر أقوال مروان المتهم في قضية دهس هدير بائعة الشاي
وحصل القاهرة 24 على نص التحقيقات، وأقوال الشاب مروان المتهم في واقعة دهس هدير بائعة الشاي أمام جهات التحقيق،
وبسؤاله: ما ظروف ضبطك وعرضك علينا؟
ج: اللي حصل أنا كنت خارج بالعربية بتاع والدي وبلف في حدائق الأهرام، وكنت رايح أجيب حاجة من شارع جاردينيا، ومعايا زميلتي اللي اسمها جودي، وبعدين بدلنا الكراسي في النصف عشان هي قالتلي عاوز أسوق وأجرب السواقة فأنا سبتها تركب مكاني وساقت حتة صغيرة وفجأة لقيتها فقدت السيطرة على العربية، ودخلت في عربية بتاع قهوة كانت واقفة على جنب الطريق والبنت ماتت اللي كانت واقفة بتبيع القهوة، والعربيه اتكسرت وطلعت بالعربية أدام ولقينا الأهالي اتلمت ومسكونا.
س: متى وأين حدث ذلك؟
ج: الكلام ده حصل يوم 2026/9/18 الساعة 5.30 مساءً في شارع الجيش، في منطقة حدائق الأهرام بالجيزة.
س: ما سبب ومناسبة تواجدك بالزمان والمكان سالفي الذكر؟
ج: كنت رايح أجدد اشتراك الجيم.
س: من كان رفقتك آنذاك؟
ج: كان معايا زميلتي اسمها جودي.ه.س.
س: ما هي علاقتك بسالفة الذكر؟
ج: إحنا زملاء من نفس المدرسة.
س: منذ متى بدأت تلك العلاقة؟
ج: من 6 سنوات وإحنا زملاء وبنخرج مع بعض.
س: ملك من المركبة محل قيادتك الرقمية؟
ج: العربية بتاع والدي.
س: ما مدى علم سالف الذكر بكونك تقود السيارة دون ترخيص؟
ج: لا.
س: ما كيفية قيادتك للسيارة؟
ج: كان نايم في البيت وأنا خدت المفتاح من البيت وسوقتها.
س: كيف وقع الحادث؟
ج: أنا كنت ماشي بالعربية عادي.. بعدها بدلنا الكراسي أنا وجودي وهي بدأت تسوق العربية وطالعة فقدت السيطرة على العربية، ودخلنا في عربية قهوة، وخبطنا البنت اللي كانت واقفة قدام العربية، وماتت.
