أي حد مكاني كان هيعمل كده.. أول تعليق لشاب أنقذ حياة شخصين في صالة ألعاب رياضية | خاص
تداول مستخدمو مواقع التواصل فيديو لـ شاب أنقذ حياة شخصين في صالة ألعاب رياضية بعد أن أوشك أحد الأجهزة الرياضية في الجيم من السقوط عليهما.
أول تعليق لشاب أنقذ حياة شخصين في صالة ألعاب رياضية
وقال الشاب في تصريحات خاصة لـ القاهرة 24: كل الحكاية إننا كنا بنلعب والجهاز اللي ظاهر في الفيديو كان هيقع على الناس، بس أنا الحمد لله ربنا اداني إشارة أكون موجود في الوقت ده والحقهم قبل ما يحصلهم حاجة لقدر الله أو يموتوا، وعلى فكرة بعد ما أنقذت الشابين من الموت إيدي اتصابت إصابة بسيطة بس الحمد لله إنها كانت على قد كده.
وأضاف: الجهاز اللي الشاب كان بيتمرن عليه كان عطلان بقاله فترة وهو مكنش عارف، وأي حد مكاني كان هيعمل كده طبعًا، وده موقف إنساني وربنا اختارني في الوقت المناسب، والفيديو انتشر وبقى تريند ومتوقعتش حاجة زي كده تماما، وتفاجئت بردود فعل الناس وفرحت جدًا بسبب فخرهم بيا، والموقف اللي عملته أي شخص عنده إنسانية كان هيعمله ويمنع كارثة كانت هتحصل.
