حمدي فتحي: قرارات حكم مباراة الأرجنتين تحولت في الشوط الثاني.. وقصرنا في آخر 10 دقايق
قال حمدي فتحي، نجم منتخب مصر، إنه كان يحلم منذ صغره باللعب للنادي الأهلي، كما تطرق للحديث عن مواجهة منتخب الأرجنتين في كأس العالم 2026.
تصريحات حمدي فتحي
وقال حمدي خلال تصريحات تليفزيونية: من وأنا صغير أهلاوي، وكان حلم ليا اللعب للأهلي، وكان لازم أركز جدًا من أول يوم وهو ده اللي حصل.
وأضاف لاعب منتخب مصر أن الجهاز الفني بقيادة حسام حسن نجح في منح اللاعبين ثقة كبيرة قبل مواجهة الأرجنتين في كأس العالم 2026، موضحًا: إحنا عندنا إمكانيات كويسة جدًا وجهاز فني محترم، وعندنا روح مش عند أي منتخب في العالم، وبننزل نبقى مركزين جدًا، ولو هنلاعب مين ميشغلناش، والجهاز الفني وصلنا إن ميسي لاعب عادي قبل الماتش.
وأشار فتحي إلى أن المنتخب دخل مواجهة الأرجنتين بهدف الفوز: من قبل ماتش الأرجنتين كنا مجهزين إننا نكسب، وبنهاجم من أول بداية الماتش.
وكشف لاعب المنتخب الوطني تفاصيل حديثه مع حكم اللقاء بشأن إحدى اللقطات التحكيمية المثيرة للجدل، موضحًا: روحت للحكم أوريله قطع التيشيرت، إداني إنذار، وقال لصلاح إن حكام تقنية الفيديو قالوا مفيش مخالفة ضد حمدي.
وأكد أن قرارات الحكم تغيّرت خلال الشوط الثاني، مضيفًا: في الشوط الثاني الحكم تحول في قراراته، اتظلمنا في الماتش وكان حقنا نكسب.
وتابع: بعد الماتش رجعنا الفندق كلنا مصدومين من اللي حصل.
واعترف حمدي فتحي بوجود أخطاء في الدقائق الأخيرة من المباراة: أكيد قصرنا في آخر 10 دقايق من مباراة الأرجنتين، ولو رجع بينا الزمن كنا هنركز أكتر في الآخر.
وعن ليونيل ميسي، قال: كدا كدا ميسي أفضل لاعب في التاريخ، ولما يمسك الكورة انت لازم تجري تدافع.
وأردف: منتخب مصر كان هيوصل لنصف نهائي كأس العالم لو عدينا الأرجنتين.
كما كشف عن تعليمات حسام حسن الخاصة برقابة قائد الأرجنتين: حسام حسن قالي راقب ميسي طول الماتش حتى لو الكورة مش معاه.
واختتم تصريحاته: كابتن حسام مكنش بيقول اسم ميسي في المحاضرة، كان بيقول اللاعب رقم 10، وهي دي الطريقة اللي بيتكلم بيها عن أي نجم في منتخبات الخصوم، وبيدينا روح غير طبيعية في الماتشات، ودي الميزة اللي كابتن حسام ادهالنا، وكل العالم كان بيتكلم إننا اتظلمنا في مباراة الأرجنتين.
