بلع جنيهًا.. سيدة تشكو من تقاعس مستشفى جامعي بالإسماعلية عن إنقاذ صغيرها: سابوه يرجّع 7 ساعات
نشرت سيدة من محافظة الإسماعيلية، تدعى مريم منصور أحمد، منشورًا لها عبر موقع فيسبوك، تشكو فيه من تقاعس مستشفى جامعي، عن إنقاذ حياة صغيرها بعد ابتلاعه عملة معدنية، حيث قالت الأم في منشورها: دلوقتي أنا ابني بالع جنيه من الساعة 5:30، واحنا في طوارئ الجامعة وعملنا أشعة الساعة 6:48.
سيدة تشكو من تقاعس مستشفى جامعي بالإسماعلية عن إنقاذ نجلها
وتابعت الأم في منشورها: شافوا المنظر عامل ازاي ابني الجنيه واقف بالعرض سد المجرى خالص، وعمال يرجع بطريقة صعبة، وهما شايفين قالوا هنعمل تحاليل عشان يدخل منظار، ومن الساعة 7 لحد الساعة 1 بالليل وابني سخن ومفرهد خالص قدامهم، زعقت واتخانقت عملت كل حاجة تخليهم يبصولنا ويلحقوا الولد الصغير اللي عنده سنتين، ولا حد بيستجيب.
وأضافت مريم منصور، والدة الصغير في منشور لها، كل الدنيا اتقلبت أول ما طلعت الموبايل أصور، وبتوع الأمن الرجالة اتهجموا عليا وواحدة من الأمن مسكت الموبايل، وكانت هتكسر كل دا عشان مصورش الإهمال اللي شوفناه ولسه بنشوفوا، وللأسف مفيش مستشفى بره عندها منظار نروح نلحق الولد هناك، أنا عايزة أعرف أعمل إيه عشان الحق ابني، بجد بقالنا 7 ساعات ابني بيموت ومحدش معبرنا.
