نبيل نور الدين: أهلي كانوا رافضين دخولي دار رعاية كبار الفنانين.. واعتزلت الفن بعد ما قدمت 300 عمل
كشف الفنان نبيل نور الدين آخر تطورات حالته الصحية، كما كشف سبب اعتزاله التمثيل وهذا بعد أن كان آخر أعماله مسلسل صلة رحم الذي عرض في رمضان 2024.
نبيل نور الدين: أهلي كانوا رافضين دخولي دار رعاية كبار الفنانين
وقال نبيل نور الدين في لقائه مع القاهرة 24: دخلت دار رعاية الفنانين منذ أشهر قليلة، والحقيقة أن الدار شيء محترم وعظيم حاجة 7 نجوم كل الإمكانيات متوافرة في جيم وعلاج طبيعي وحمام سباحة ومطعم وده اللي جابني.
وأضاف: أهلي كلهم كانوا رافضين ولما جيت شفت المكان قولتلهم تعالوا معايا وجم قالولي خليك، في علاج طبيعي ودكتور مخ وأعصاب ودكاترة بتراعيني وبيعالجوني من الكسور، كل الإمكانيات موجودة.
وعن سبب اعتزاله الفن قال: جالي مرض في عيني، الشبكية فيها نقطة سوداء، مبقتش أشوف الموبايل وآسف للي بيبعتلي ومبعرفش أرد عليه.
واستكمل قائلًا: وأنا كده اعتزلت رسمي وقدمت 300 عمل كده اكتفيت، وزمان كنا شلة وعارفين بعض وبنشتغل سوا دلوقت الدنيا اختلفت وبقعد لوحدي في الكرفان مافيش تواصل بينّا وبين الأجيال الجديدة، القعدة أشرف وأحسن بالنسبة لي.
