مصطفى سليمان: المؤلف محمد جلال عبد القوي لم يعلم بخبر وفاة نجله حتى الآن وزعلان من الوسط الفني
وجه الفنان مصطفى سليمان رسالة عتاب بعد جنازة الفنان الراحل أحمد جلال عبدالقوي، معربًا عن حزنه من غياب عدد من زملائه رغم كثرة رسائل النعي المنتشرة على مواقع التواصل الاجتماعي.
مصطفى سليمان: المؤلف محمد جلال عبد القوي لم يعلم بخبر وفاة نجله حتى الآن وزعلان من الوسط الفني
وقال مصطفى سليمان في تصريحات تلفزيونية: أنا زعلت جدًا من حاجة، إن الناس كلها كتبت وعزت وقالت كلام جميل، لكن وقت الجنازة كان عدد الموجودين قليل جدًا، أحمد كان عنده وقت كافي إن الناس تعرف ميعاد الجنازة، خصوصًا إنها اتأجلت من يوم ليوم، فكنت متوقع حضور أكبر من كده.
وأضاف: إلى الأن لم تخبر العائلة أحمد والده المخرج جلال عبد القوي بخبر رحيل نجل.
وتابع: أنا مش هقول أسماء، ومش قصدي أهاجم حد، لكن اللي زعلني إن فيه فرق بين الكلام اللي بيتقال على السوشيال ميديا وبين الفعل الحقيقي".
وأوضح: في ناس وقفت معاه فعلًا، زي سامح بسيوني اللي ما سابوش في المستشفى، وكان موجود مدحت تيخا وعزوز عادل وأمل رزق وأسماء عمرو وغيرهم.
واختتم حديثه قائلًا: للأسف بقت فيه ناس بتعزي على السوشيال ميديا وخلاص، لكن المواقف الحقيقية بتبان وقت الشدة، وأحمد كان يستحق إن ناس كتير تكون موجودة علشانه.
