بسمة وهبة بعد خضوعها لعملية جراحية: هطلع النهاردة
حرصت الإعلامية بسمة وهبة على توضيح حقيقة تعرضها لوعكة صحية وخضوعها لعملية جراحية مفاجئة إثر مجهود مضاعف في العمل، مشيرةً إلى أنها شائعات لا أساس من الصحة.
بسمة وهبة بعد خضوعها لعملية جراحية: هطلع النهاردة
وقالت بسمة في مقطع فيديو نشرته عبر حسابها على إنستجرام: والنبي يا جماعة بطلوا إشاعات بكتابة عناوين يعني تبقى جذابة عشان الناس تقرأ، المواقع الغريبة العجيبة اللي أنا معرفهاش وأول مرة أسمع عنها النهاردة، كاتبة إن بسمة وهبة تعبانة بسبب الشغل، أنت حضرتك فاهم كده؟
وأضافت: طيب عمومًا هشرح تاني عشان بردو اللي حضرتك إذا مش فاهم تفهم، أنا كاتبة إني أنا من كتر حبي للشغل بخرف بيه في البنج كنت في غرفة الإفاقة، وبعدين أنا كويسة وزي الفل وأهو، وبعدين أنا طالعة النهاردة إن شاء الله ع الهوا؛ لأنها حاجة ما بتخدش وقت كبير وكالعادة معدتي.
بسمة وهبة تخضع لعملية جراحية
جدير بالذكر، أن بسمة وهبة فاجئت الجمهور بمقاطع فيديو نشرتها عبر حسابها على إنستجرام مؤخرًا من داخل غرفة الإفاقة بعد خضوعها لعملية جراحية مفاجئة، ورافقها زوجها رجل الأعمال علاء عابد في خطواتها، وقالت: تفتكروا في غرفة الإفاقة أنا خرفت بإيه لزوجي؟ والله خرّفت قولت الشغل، الإعداد، أعمل إيه بعشق شغلي.
