مصطفى سليمان عن الراحل أحمد جلال عبدالقوي: بستغرب المنتجين اللي بيكتبوا إنهم كانوا هيشتغلوا معاه كنتوا فين من الدعم النفسي
أعرب الفنان مصطفى سليمان، عن استيائه الشديد بسبب عدم حضور الفنانين لجنازة الفنان الراحل أحمد جلال عبد القوي، موضحًا أن الراحل كان يرشح زملاءه بقوة خلال الأعمال الفنية.
وقال مصطفى سليمان، في فيديو عبر حسابه على فيسبوك: كان في وقت كافي للحضور، وأحمد كان جدع جدًا مع ناس كتير أوي ومسلسل الليل وآخره وحضرة المتهم أبي كان بيرشح زملائه بقوة لأن والده مؤلف العملين، أحمد كان يستاهل كل خير، وبستغرب المنتجين اللي بيكتبوا أنهم كانوا هيشتغلوا معاه ولكن كنتوا فين من الدعم النفسي؟، ده كلام سوشيال ميديا ومبتعرفوش تعملوا غير أنكم تكتبوا على السوشيال ميديا.
وأضاف مصطفى سليمان: للأسف في أسماء كبيرة كانوا واقفين جنب أحمد كنت متوقع أنهم ينعوه ولكن ده محصلش، وأعداد محدودة جدًا اللي كانوا واقفين جنبه واللي حضر الجنازة أعداد قليلة، عيب أنتوا بتوعدوا ومبتنفذوش أي وعد ولا للحي ولا للميت، اتكسفوا ونفسي مرة تصدقوا مع نفسكم.
أعمال أحمد جلال عبد القوي
يشار إلى أن الفنان أحمد عبد القوي حقق شهرة واسعة من خلال مشاركته في مسلسل حضرة المتهم أبي، الذي عُرض عام 2006، بطولة الفنان الراحل نور الشريف، وحقق العمل نجاحًا جماهيريًا كبيرًا وقت عرضه.
