بالرغم من تعاونهما في 5 أغانٍ.. الشاعر مصطفى حدوتة: مقابلتش عمرو دياب
كشف الشاعر مصطفى حدوتة، سبب عدم مقابلته للهضبة عمرو دياب، بالرغم من تعاونهما في 5 أغانٍ وآخرهم في ألبوم الهضبة الجديد “حبيتك”، بـ 3 أغانٍ دفعة واحدة.
الشاعر مصطفى حدوتة: مقابلتش عمرو دياب
وقال مصطفى حدوتة، في لقائه مع القاهرة 24: مقابلتش عمرو دياب، لأن مفيش فرصة نتقابل ويمكن وقتنا مش مناسب، أنا مبطلبش أقابله وبكتفي بأني عملت أغنية حلوة ومش هو بس اللي مقابلتوش، أنا اشتغلت مع تامر حسني وأنغام ونانسي عجرم وأصالة ومقابلتهمش، كفاية أن الملحن راح وفي حالة عمرو دياب مفيش حد موجود هيضيف للأغنية أكتر منه.
مصطفى حدوتة يرد على انتقادات تعاونه مع عمرو دياب
كما رد مصطفى حدوتة، على انتقادات تعاونه مع الهضبة عمرو دياب، قائلًا: النجاح لازم يكون عليه جدل، ولو مفيش جدل يبقى مفيش نجاح ومفيش جديد للناس، وكون إن فيه ناس اتكلمت سواء اختلفوا أو اتفقوا معناه إن فيه حاجة جديدة وعاملة دهشة، وأنا مش بتعمد إثارة الجدل أنا بتعمد أعمل الجديد، وكتبت مفردات لعمرو دياب في ألبومه الجديد عمر ما شاعر كتبها.
