"هنربيلكم سحلية".. تامر عاشور وحسن الشافعي يحسمان جدل "صوت الكلب" في أغنية "متلخبطة أحوالي"
أثارت أغنية “متلخبطة أحوالي” التي طرحها الفنان تامر عاشور، حالة من الجدل خلال الأيام الماضية على السوشيال ميديا، حيث أشار البعض إلى أن هناك صوت كلب بموسيقى الأغنية.
تامر عاشور وحسن الشافعي يحسمان جدل "الصوت الكلب" في أغنية “متلخبطة أحوالي”
وحرص الموزع والمنتج حسن الشافعي على توضيح حقيقة وجود صوت كلب، من خلال فيديو نشره عبر حسابه على إنستجرام، يجمعه بتامر عاشور، قائلًا: إيه حوار صوت الكلب اللي في الأغنية؟
ليجيب تامر عليه، قائلًا: صحيت لقيت ناس بتتكلم على صوت الكلب وشوفت كومنت أول ما الأغنية نزلت.. هو مش كلب.. لقيت التعليقات زادت أوي وبعدين بقيت معاهم وسامع نفس اللي بيقولوا عليه.
وأردف حسن الشافعي: أنا في لحظة شكيت في نفسي، وفيه نظرية بتقول إنك لو سمعت الصوت الصح ممكن يروح، فأنا عملت حركة ظريفة وخليت الناس تسمع الصوت اللي مش كلب، بس ده صوت إنسان، ومهما عملت هيشوفوه صوت كلب.
ليدخلا بعدها في وصلة من الضحك، حيث قال تامر له: “إحنا يا نشيله يا نخليه”، ليمازحه الشافعي “إحنا نربيه، بس المرة الجاية هنربيلكم حاجة مختلفة”، ليرد عليه عاشور مازحًا “هنربيلهم سحلية”.
واقترح تامر عاشور بحسم الجدل، من خلال وجود تصويت للجمهور حول حذف أو ترك ذلك الصوت المثير للجدل من الأغنية.
