قبل جلسة المحاكمة غدًا.. ننشر اعترافات المتهم بقتل مسنة وسرقة أموالها بالمنوفية
تنظر غدًا محكمة جنايات شبين الكوم بمحافظة المنوفية، محاكمة المتهم بقتل سيدة مسنة داخل عشة في شبين الكوم، وسرقة هاتفها ومبلغ مالي، وذلك عقب انتهاء التحقيقات وإحالته إلى المحاكمة الجنائية.
اعترافات المتهم بقتل مسنة وسرقتها بالمنوفية
وقال المتهم أ، ع، م39 سنة، عامل، في التحقيقات، إنه توجه إلى شبين الكوم للقاء عدد من أصدقائه، وبعد انتهاء جلسته معهم توجه إلى موقف السيارات للعودة إلى محل إقامته، إلا أنه لم يجد سيارات، فسلك طريقًا خلف مجمع المواقف، حتى وصل إلى منطقة بها أرض فضاء وسيارات متوقفة.
وأضاف المتهم في اعترافاته أمام جهات التحقيق: اللي حصل إن أنا من مركز شبين وبشتغل في الجبل مزارع، وأنا غلبان وعايش لوحدي وجيت هنا لناس صحابي في شبين خرجت معاهم شوية وخلصت معاهم الخروجة وقولتلهم إني هروح بيتي في بيتبس تاني فروحت عند الموقف عشان أركب ملقتش عربيات هناك فروحت لفيت من عند مجمع المواقف وكنت ماشي رجلي خدتني كدا في أرض فاضية، وراكن فيها عربيات ففضلت ماشي لقيت في واحدة ست نايمة جوه عشة، ففضلت واقف جنب العشة فالشيطان وزني بصراحة إني أدخل أسرق العشة دي وفضلت واقف جنب العشة شوية، وكل شوية أفكر أدخل ولا لأ، بس الشيطان ضحك عليا ولقيت نفسي دخلت العشة.
وتابع المتهم: والست كانت نايمة على جنبها، وبدأت تتقلب وحست بيا فأنا خوفت لتصوت واتفضح والناس تيجي تمسكني فجبت طوبة كبيرة كدا كانت مرمية عند العشة من بره وضربتها على دماغها، فلقيت مناخيرها بتنزل دم فخوفت أوي وجسمي قشعر فرجعت ورا في العشة وأنا قاعد خايف وجسمي عمال يرتعش.. أنا أول مرة أعمل حاجة زي كدا.
وأردف: وبعدها لقيت فيه موبايل عيناه جنبها وكان فيه كيس فلوس طالع من لبسها فخدت كيس الفلوس والموبايل وأنا مردتش أصرف الفلوس دي وهي معايا زي ما هي، وفضلت أمشي في الشوارع لغاية العصر وبعدها روحت على البيت فضلت مستخبي لغاية ما الشرطة جت خدتني من البيت انهاردة.
واستكمل المتهم في أقواله: الحاجات اللي سرقتها عينتها عندي عشان ده كان وزة شيطان، وأنا مبعملش الحاجات دي واديتها للشرطة لما جت مسكتني، وقلتلهم على مكان الطوبة اللي ضربت بيها الست وجابوها، وأنا غلطان بس مكنش قصدي إن كل ده يحصل.
