أسامة منير يكشف كواليس تعاونه مع تووليت في كليب صديق البرنامج
كشف الإعلامي أسامة منير، كواليس تعاونه مع الفنان تووليت في التيزر التشويقي لأغنية صديق البرنامج، موضحًا أن فكرة ظهوره في العمل جاءت من الفنان نفسه، بعدما أصبح من متابعي برنامجه ويستمع إليه.
أسامة منير في كليب تووليت الجديد
وقال أسامة منير خلال تصريحات لـ القاهرة 24: فكرة توليت من متابعي البرنامج وبيسمع وعجبته الحالة وهو اللي بدعها وطلب ده وتواصلوا معايا الشركة المنتجة واتفقنا على ميعاد وقعدت مع توليت وفكرنا سوا وراجعنا الإسكريبتات وصورنا.
وأردف: كنت سعيد بالتجربة؛ لأني حسيت إن نجم في سن صغير من مستمعيي برنامجي اللي بقاله 24 ساعة لسه بيتابعني، واهتم يعمل حاجة زي كده، فرحبت جدا، واكتشفت إنه خلوق ومحترم وأتمناله كل النجاح والتوفيق.
وأكد أسامة منير، عدم وجود تعديلات جوهرية في الشكل العام للكليب، مضيفًا: مكنش فيه تعديلات على Storyboard، ولكن ممكن أكون صلّحت كلمة مش أكتر، يعني مفيش شيء يذكر، بالعكس أول ما قرأت الـ Storyboard كانت ممتازة والـ creative director ممتاز.
