سامو زين عن استخدام الـ AI في صور حفله الأخير: معركة والموضوع زاد عن حده
حرص الفنان سامو زين على التعليق وتوضيح وجهة نظره في الصورة التي التقطها مع الجمهور في حفله الأخير بالساحل الشمالي، والتي أثارت جدلًا واسعًا حول استخدامه للذكاء الاصطناعي من أجل زيادة عدد الجمهور في الصورة.
سامو زين عن استخدام الـ AI في صور حفله الأخير: معركة والموضوع زاد عن حده
وقال سامو زين خلال ندوته في القاهرة 24: شايف إن الناس حبوني زيادة شوية وإن المعركة بقيت جميلة والموضوع زاد عن حده، أن آه استخدمت الـ ai وشيلت كل الناس، زي ما شوفتوا في البوست الأخير، وحبيت أخلص أنا الموضوع ده تمامًا بعد ما لقيت الموضوع متركب بشكل غريب شوية وبقى فيه أبعاد تانية، فقولت أهزر وأعمل الصورة أنا.
وأضاف: حبيت أتجرأ في الموضوع ده وأتكلم عادي، طول عمره الموضوع عندي مفتوح بيني وبين جمهوري، مابخبّيش حاجة يعني، وتاني حاجة الموضوع لذيذ يعني وظريف، فـحسيت إنه ليه لأ؟!
أما عن تفاعله بشكل مستمر مع الجمهور، أردف ساموزين: ما أنا من الجمهور ده في النهاية دي صفحتهم، يعني، بحس إنه إنت لو معملتش كدة إنت مش هتكون معاهم متفاعل، الناس حابة إنك تكون متفاعل معاهم وحابة إنه إنت برضه تتعامل معاهم بصراحة جدا وبشفافية، وتتكلم معاهم، لو إنت غلطان في حاجة تقولهم، لو إنت مش غلطان قول، الجمهور بقى فاهم أوي ومستوعب أوي الفكرة كله، ولما لقيت المرحلة بقيت الدنيا بايظة فروحت خطيت أغنية بايظة على الصورة.
