بزعم استثمارها في مستحضرات التجميل.. استغاثة شخص من تعرضه لواقعة نصب في مليون و200 ألف جنيه على يد زوجته وشقيقها
استغاث أحد الأشخاص من تعرضه لواقعة نصب على يد زوجته وشقيقها في مبلغ مالي يقدر بمليون و200 ألف جنيه بعد إيهامه من استثمار تلك الأموال له في مجال مستحضرات التجميل.
استغاثة شخص من تعرضه لواقعة نصب في مليون و200 ألف على يد زوجته وشقيقها
وقال إبراهيم جمال خلال تصريحات خاصة لـ القاهرة 24، إن تفاصيل استغاثته تتمثل في: أنا كنت متجوز واحده اسمها ياسمين مقيمة في شبرا تبع قسم الساحل نصبت عليا بعد سنة من الجواز هي وأخوها محمود، وأوهمتني إنها ببتشتغل في شركة مستحضرات تجميل والشركه بتدخل ربح شهري 30%، فضلت تسحب مني فلوس هي وأخوها لحد ما وصل مليون و200 ألف.
وأضاف: ولما شكيت إن الأمر مفهوش ربح وإن مفيش فلوس بترجع قلت لها “أنا عايز أروح الشركة أو عايز أقبض عشان أنا كده دخلت فلوس كثير” قالت لي “خلاص هننزل القاهرة وتاخد المكسب بتاعك وفلوسك” لما نزلنا القاهرة قالت “أنا هروح عند خوالي في المنوفية أجيب الورق بتاع الشغل عشان نروح نقبض” وبعد كده قلت لها إني هنزل البلد أبص على البيت عشان أنا ساكن في كفر الشيخ وهي كانت عايشة معايا.
وأكمل: نزلت البلد ورجعت لقيت الشقة اللي كانت أمها عايشة فيها طلعت مش شقتها أصلا شقة إيجار، وأخدت حاجتهم ومشيت، عملت فيها محضر باللي حصل وليها تسجيلات هي وأمها وهم معترفين إن أنا ليا عندهم فلوس، وأدوني مواعيد كتير قوي ومفيش حاجة آخدتها لحد دلوقتي من سنة ونص.
واختتم، أنها تعدت بآخرين في التعدي عليه بالضرب وإحداث إصابته بقصد تخويفه من استمرار طلب أمواله ما دفعه إلى تحرير محضر مرفق بتقرير طبي بالإصابات التي حدث له والذي حمل رقم 4593 لسنه 2026 جنح الزيتون.
