لاصق طبي وملابس نسائية.. بدء محاكمة المتهمين بقتل سيدة وسرقة مشغولاتها الذهبية في بولاق الدكرور
بدأت منذ قليل، محكمة الجنايات المختصة، نظر محاكمة المتهمين في واقعة مقتل سيدة داخل مسكنها بمنطقة بولاق الدكرور، والاستيلاء على مشغولاتها الذهبية.
جريمة النقاب
وتعود تفاصيل الواقعة إلى ورود بلاغ إلى الأجهزة الأمنية يفيد العثور على سيدة متوفاة داخل مسكنها، وبإجراء التحريات تبين وجود شبهة جنائية في الواقعة، وأن المتهمين وراء ارتكاب الجريمة بقصد سرقة المصوغات الذهبية.
وتمكنت الأجهزة الأمنية من تحديد هوية المتهمين وضبطهما، وبمواجهتهما أُجريت التحقيقات اللازمة، وأُحيلا إلى المحاكمة الجنائية
وحصل القاهرة 24، على نص التحقيقات، حيث جاءت أقوال المتهم الأول ويدعى حسن.م.إ.م، موزع مواد غذائية، أمام جهات التحقيق بسؤاله ما هي الخطة التي وضعتماها لإتمام واقعة السرقة؟
ج: إحنا في الأول اتفقنا نسرق خالتي، وبدأنا نفكر في كذا مشكلة كانت في الموضوع ده عشان نقدر نكمل السرقة.
س: وما هي العقبات التي كانت ستواجهكما آنذاك؟
ج: أول حاجة إنهم ساكنين في عمارة مقفولة بباب حديد، ولازم عشان أدخل يبقى معايا المفتاح، وثاني حاجة اليوم والميعاد، لازم أحدد ميعاد ما يكونش فيه حد في البيت غير خالتي عشان نقدر نسيطر عليها ونسرق ونمشي، وكمان هي لو شافتني هتعرفني، فكان لازم نلبس أي حاجة تداري وشنا.
س: وكيف تمكنتما من التغلب على تلك الصعاب؟
ج: أول حاجة بالنسبة للعمارة، فأنا قلت هروحلها في يوم قبل السرقة آخد مفتاح باب العمارة من الشقة لأن عندهم مفتاح للباب ده دايمًا محطوط لوحده جنب الباب، وفي نفس الوقت أبص على الشقة كويس وأعرف الذهب والفلوس فين، عشان يوم ما ننفذ ما ناخدش وقت وننزل على طول.
تاني حاجة بالنسبة للميعاد، فلازم يكون في أي يوم من "السبت، الأحد، الإثنين" عشان بيبقى عم عصمت في شغله، وزيه محمد ابنه، وإسراء بتبقى في الجامعة، فمش هيبقى فيه غير خالتي، وكمان الوقت لازم يبقى بعد الساعة 10 الصبح، لأني عارف إنها بتنزل كل يوم السوق الصبح وبترجع البيت على 10 أو 10 ونص مثلًا.
وآخر حاجة بالنسبة لوشوشنا، فاتفقنا إننا هنجيب هدوم حريمي "نقاب" عشان يدارينا ومحدش يعرفنا.
