رنين تبوني تعاتب الجمهور العراقي: الجمهور المصري بيدعم ويشجع شيرين عبد الوهاب.. ليه لما مشهور بيمر بظروف بتتخلوا عنه؟
عاتبت الفنانة العراقية رنين تبوني، الجمهور العراقي بسبب موقفهم من بعض الشخصيات المشهورة وقت مرورهم بأزمات شخصية على حد قولها، مستشهدة بدعم الجمهور المصري المستمر للفنانة شيرين عبد الوهاب، وخاصة في حفلها أمس بالعلمين وعودتها من جديد.
وكتبت رنين تبوني، عبر ستوري حسابها بـ انستجرام: شوفتوا حفلة شيرين في مصر؟، إزاي الجمهور المصري بيدعمها وبيشجعها؟، عتبي على الجمهور العراقي، ليه لما بتشوفوا مشهور بيمر بظروف فعلًا ويستاهل الدعم، بتتنمروا عليه؟، وفوق ده كله بتقفوا ضده وبتعملوا حملات عليه؟.
وأضافت رنين تبوني: موضوع ميخصنيش نهائي، بس بجد بتضايق جدًا من بعض الناس اللي فعلًا يستاهلوا الوقفة، أوقات بيبقوا بيشجعوا الشخص المتملق والممثل والمصطنع، وبيتقلبوا معاه بتمثيلية، وبقوا عاملين عصابات، فلان يقوم يدي راية لناس تاريخهم كله بطولات، جزء من أسباب بُعدي عن السوشيال ميديا إن الموضوع مبقاش فيه حظ ولا بخت.
حفل شيرين عبد الوهاب
ومن ناحية أخرى، تألقت ليلة أمس الفنانة شيرين عبد الوهاب، في حفلها بـ بورتو جولف العلمين، برعاية القاهرة 24، وتصدرت تريند مواقع التواصل الاجتماعي، وأعربت عن سعادتها الكبيرة بالترحاب الكبير الذي قابلها به جمهورها وأصدقائها بالوسط الفني الحاضرين بالحفل، حيث قالت شيرين لـ الجمهور: إيه جمالكم ده بحبكم وربنا يخليكم ليا، صوت مصر! كلنا صوت مصر، هتجننوني حبايب قلبي ربنا يخليكم ليا، أنتوا وحشتوني والدنيا من غيركم وحشة.
