إيشو يعلن تجديد تعاقده مع الزمالك برسالة لجمهور الفريق
أعلن أحمد عبد الرحيم إيشو، لاعب الفريق الأول لكرة القدم بنادي الزمالك، تجديد عقده مع القلعة البيضاء، وذلك في ظل الأزمة الأخيرة مع مسؤولي الأبيض بشأن المقابل المادي.
إيشو يعلن تجديد تعاقده مع الزمالك
ونشر إيشو عبر حسابه الرسمي بمنصة فيسبوك: اليوم مش مجرد توقيع على عقد جديد، لكنه تأكيد على حكاية عمرها ما كانت مرتبطة بورقة أو رقم.
وأضاف: الزمالك هو المكان اللي بدأت فيه أول خطوة في مشواري، والنادي اللي تعلمت فيه معنى الانتماء، وقد إيه القميص ده له قيمة ومسؤولية كبيرة وفضل كبير عليا.
وواصل: طول الوقت كنت مؤمن إن واخد القرار الصح، وعشان كده، كان هدفي إني أكمل في المكان اللي بحبه، وسط جمهور عمره ما كان مجرد جمهور بالنسبة لي، لكنه جزء من كل لحظة عشتها داخل النادي.
وأكمل: في زمن بقت فيه الشائعات أسرع من الحقيقة، أتمنى إن محدش يصدق كل كلمة بتتكتب أو تتقال على السوشيال ميديا، لأن الحقيقة عمرها ما كانت كلها هناك.
وأفاد: اللي يعرفني بجد، عارف أنا مين، وعارف قد إيه الزمالك بالنسبة لي حاجة كبيرة وبيتي فعلا اللي تربيت فيه وإن انتمائي عمره ما كان بالكلام.
وأتم: الحكاية مستمرة، وإن شاء الله اللي جاي يكون أجمل وأحسن، وأقدر أرد جزء بسيط من حب وثقة جمهور الزمالك داخل الملعب، لأني في الآخر واحد منكم، وفخور إني كبرت وسطكم.
