ليلى زاهر تكشف كواليس حملها: كنت محتارة أقول لهشام إزاي.. وحاولت أعملها مفاجأة
كشفت الفنانة ليلى زاهر عن كواليس اكتشافها خبر حملها، موضحة أنها عرفت بالأمر أثناء سفرها، وقررت أن تفاجئ زوجها الفنان والمنتج هشام جمال بطريقة خاصة، وذلك خلال لقائهما مع برنامج «ABtalks».
وقالت ليلى زاهر: «عرفت إني حامل وأنا مسافرة، ولما اتأكدت ورجعت من السفر كنت بتعامل عادي، وكنت محتارة أقول لهشام إزاي، وطلبت لبس بيبي ومعايا التيست، وحطيت اللبس على السرير وكنت بترعش».
وأضافت ليلى زاهر عن زوجها هشام جمال: «هشام الزوج المثالي، وكلنا عندنا عيوب، لكن هشام طول الوقت بيحاول يسعدني».
من جانبه، قال هشام جمال: «الحياة حلوة طول الوقت لحد ما ييجي مرض أو وفاة أو خسارة مالية، دول لما بييجوا بيبقوا حاجات خارجة عن إرادتكم، ومش بشوف نفسي بيرفكت، بس بحاول أسعدها».
هشام جمال يسأل ليلى زاهر عن والدها
وخلال اللقاء، وجه هشام جمال سؤالًا مؤثرًا إلى ليلى زاهر عن والدها أحمد زاهر وذلك ردًا على أسئلة الحلقة، متسائلًا عما ستقوله لأبنائها عنه إذا لم تتح لهم فرصة رؤيته، قائلًا: «لو بنتك مش عندها فرصة تشوف باباكي، هتقوليلها جدّو عامل إزاي؟ صفّيه إزاي لولادك؟».
وردت ليلى زاهر قائلة: «هقولهم كان أطيب حد ممكن تقابلوه، ومعطاء في مشاعره، وإنه رجل طيب وسمعته حلوة جدًا، وإن الناس بتقولي أبوكي راجل محترم عرف يربيكوا كويس، وإنه طيب فوق ما يتخيلوا».
