أحمد بحر: بحب الفن لكن طول الوقت مش راضي عن اللي بعمله
تحدث الفنان أحمد بحر المعروف بـ كزبرة، خلال استضافته في برنامج "معكم منى الشاذلي" مع الإعلامية منى الشاذلي، عبر شاشة ON، عن نقاط الشبه بين شخصيته الحقيقية وبين الشخصية التي يقدمها في فيلمه الجديد "محمود التاني".
وأوضح، أن شخصية محمود تشبهه في فكرة الشاب والمواطن البسيط، مضيفًا: "وطول الوقت هو مستني فرصة واحدة لأنه عارف إن مفيش فرص كتيرة هتجيله، والفرصة دي لما بتجيله خلاص مش هتيجي تاني، وعشان كده بيعمل أي حاجة عشان يستغلها صح".
وعن اجتهاده وشغفه بالتمثيل، قال: "أنا مش بعرف أتكلم عن نفسي قوي، وأقول قد إيه بتعب وبحب المهنة دي قوي، وعندي صراع مع نفسي إني مش عايز أثبت حاجة للناس، لكن عايز أثبت لنفسي".
تابع: "طول الوقت حاسس إني مش راضي عن اللي أنا بعمله، أو معملتش اللي عليا، عشان كده بشتغل أكتر، وبحب المهنة دي بجد وبشتغل بكل ما عندي وكل طاقتي فيها، ومع الوقت الناس هتبتدي تفهم قد إيه أنا شخص بتعب، والوقت هيثبت وإن شاء الله خير".
جدير بالذكر أن فيلم محمود التاني بطولة الفنان أحمد بحر، أحمد غزي، كارولين عزمي، تامر هجرس، جنا الأشقر، شريف خلوصي، وذلك تحت قيادة المخرج عبد العزيز النجار في أول تجربة إخراجية سينمائية بعد تقديمه أكثر من عمل درامي مؤخرًا، بالإضافة إلى أن الفيلم من تأليف إياد صالح وإنتاج طارق الجنايني.
