المطربة غالية: فخورة بتعاوني مع ليجي سي في أغنية "مش أول مرة"
تحدثت المطربة السورية غالية شاكر، عن تعاونها مع مطرب الراب ليجي سي، في ديو “مش أول مرة”، الذي حقق نجاحًا كبيرًا وقت طرحه وتصدر تريند مواقع التواصل الاجتماعي.
وقالت غالية في لقائها مع القاهرة 24: أول ما عرفت أن ليجي سي معايا في أغنية مش أول مرة، قلت أن هيكون في بينا كيميا للسماء، لأني عارفة إحساسه وهو بعت التراك وأنا كنت سايقة وركنت وسمعت الأغنية، رجعت على البيت وقولتلهم أني خلصت الأغنية وقولتله أني رايحة الاستوديو ليجي سي هيجي إمتى؟، وكان عنده شغف كبير وإحساس، وفخورة جدًا بالتعاون ده.
ليجي سي
وعلى جانب آخر، سبق تحدث مطرب الراب ليجي سي عن بداياته الفنية، موضحًا أنه لم يكن ينوي الدخول بالوسط الفني، حيث قال خلال لقائه في برنامج صاحبة السعادة: ليجي سي حسيت إن الاسم بيعبر عني، اللي اختار ليا الاسم من أصدقائي المقربين جدًا اقترح عليا وقلت هعمل اللي أنت عايزه ومعنديش مشكلة، وعمري ما كنت بغني، كنت بحب اسمع أغاني ولكن عمري ما تخيلت إن أنا هيجي عليا وقت أبقى قاعد في استوديو وأسجل أغنية، ده بالنسبة ليا كان حلمًا.
وأضاف: بدأت من كورال المدرسة في 2009، كنت بـ دندن وراهم وخلاص وقعدت فترة كده، ومن بعد كده قلت إني مش حاسس ده ولكن في حاجة عايز أعملها ومش عارف هي إيه، حاولت أكتب أغاني وأنا مبعرفش أكتب حتى موضوع تعبير ومكنتش بكتبه في الامتحان، ولكن بعرف أكتب اللي جوايا، ومش عارف أتعلم مزيكا.
