دكتور محمد عماد طبيب الأسنان الشهير يروي قصة ترشيحه لعلاج مسؤول خليجي: أساتذتي قالوا عملت طفرة في المجال
نشر الدكتور محمد عماد طبيب الأسنان الشهير، مقطع فيديو له عبر حسابه الشخصي على مواقع التواصل الاجتماعي، يروي فيه عن حديث كبار أطباء الأسنان عن نجاحه، وترشيحه لعلاج مسئول بدولة خليجية.
وقال: الصبح حصل موقف معايا فرحني جدًا، لقيت مسئول كبير من دولة خليجية بيكلمني وبيقولي أنا وصلت لرقمك وسناني فيها مشكلة وعايز أعالجها بس بخاف من دكاترة الأسنان، بس في ناس رشحوا اسمك، وتواصلت مع مسؤولين وعملوا لك ترشيح.
دكتور محمد عماد طبيب الأسنان الشهير يروي عن ترشيحه لعلاج مسؤول خليجي
وتابع الدكتور محمد عماد طبيب الأسنان الشهير: الكلام ده بيديني طاقة وإحساس حلو، ومن 5 أيام أستاذ كبير في جراحة الفم والأسنان، ما بينا زميل مشترك شغال معايا، وكانوا في سيرتي، والبروفيسور الكبير قال: محمد عماد من الدكاترة اللي كان ليهم تأثير في رفع سعر وقيمة مهنة طبيب الأسنان، وله تأثير في دخول وتخرج عدد كبير من كلية طب الأسنان بسببه، وهو عمل طفرة في المجال.
وأضاف الدكتور محمد عماد طبيب الأسنان الشهير: الكلام ده يبسطني جدًا إن في أستاذ كبير بيقول عليا كده، وناس ترشحني، ممكن حد يكون شايف إن ده عادي بعد 30 سنة شغل، ولكن أنا في شخصيتي مبحبش أحس الإحساس ده وإن أنا مهم أو اتغريت، أنا بعيد كل البعد عن ده، أنا بحب أكون متواضع، مبسوط بكلام الأساتذة الكبار عني، هما كبار بعلمهم وأسلوبهم، عندهم قواعد وبنتعلم منهم، وشكرًا على دعمهم ويارب أكون عند حسن ظنهم.
