عبد الحليم علي: كان نفسي يتعملي ماتش اعتزال.. وتكريم جماهير الزمالك هو الأول الحقيقي ليا
تحدث عبد الحليم علي، نجم الزمالك السابق، عن علاقته الخاصة بجماهير القلعة البيضاء، مؤكدًا أن جماهير النادي كانت ولا تزال السند الحقيقي للفريق في أصعب الأوقات.
عبد الحليم علي: كان نفسي يتعملي ماتش اعتزال.. وتكريم جماهير الزمالك هو الأول الحقيقي ليا
وقال عبد الحليم علي، خلال كلمته أمام جماهير الزمالك: الكباتن خلصوا الكلام كله، وإنتوا الحكاية فعلا.. أنا قلت قبل كده إن الشرف قدامكم وإحنا داخل نادي الزمالك، وإحنا راهنا عليكم كتير.
وأضاف: أكتر حاجة أسعدتني السنة اللي فاتت إن جماهير الزمالك خدت حقها، على مدار تاريخكم، تعبتوا وضحيتوا بفلوسكم وبنفسكم وبأوقاتكم، فكان فضل ربنا إن في وقت مواقف صعبة إنتوا اللي كنتوا السند.
وتابع: أنا سعيد إني معاكم، وكان نفسي يتعملي ماتش اعتزال والجمهور يكرمني وأنا ببطل كورة وما حصلش، فأول تكريم حقيقي ليا حسيت فيه إني اتكرمت وعملت حاجة لنادي الزمالك لما ناديتوا عليا في الاستاد.
واختتم عبد الحليم علي حديثه برسالة قوية لجماهير الزمالك، قائلًا: إنتوا الأساس، وبفضل ربنا إنتوا اللي بتعملوا البطولات واللعيبة.. الزمالك مش هيقع طول ما إنتوا في ضهره.
